بھارتی فلم انڈسٹری بالی ووڈ کی معروف اداکارہ ممتاز اور پاکستان فلم انڈسٹری میں اپنا ایک نام رکھنے والی اداکارہ ریشم نے ایک ساتھ ڈانس کیا اور ویڈیو سوشل میڈیا پر وائرل ہو گئی ہے۔
بھارتی اداکارہ ان دنوں پاکستان میں ہیں، اداکار احسن خان نے حال ہی میں ایک دعوت کا اہتمام کیا جس میں اداکارہ ممتاز، ریشم سمیت دیگر شوبز ستاروں نے شرکت کی۔
اس دعوت کے بعد احسن خان نے اپنے انسٹا گرام اکاؤنٹ پر ایک ویڈیو پوسٹ کی ہے جس میں گلوکار شفقت امانت علی اپنی گائیکی کا جادو جگا رہے ہیں اور شرکا ’ابھی جانے کی ضد نہ کرو‘ گانے سے محظوظ ہو رہے ہیں۔
احسن خان ویڈیو کے کیپشن میں لکھتے ہیں کہ بھارتی اداکارہ ممتاز صاحبہ کا میرے گھر پر آنا اور پھر یہ شاندار یادیں میرے لیے سب اعزاز ہے۔
Resham grooves with veteran Bollywood actress #Mumtaz on a dinner hosted by #AhsanKhan.#Resham #Mumtaz #AhsanKhan pic.twitter.com/D4n2UffDQl
— Pakistani Cinema (@PakistaniCinema) December 23, 2023
اس کے ساتھ ہی پاکستانی اداکارہ ریشم نے بھی ایک ویڈیو پوسٹ کی ہے جس میں وہ بھارتی اداکارہ ممتاز کے ساتھ ڈانس کرتی دکھائی دے رہی ہیں اور شرکا داد دے رہے ہیں۔
ریشم ویڈیو کے کیپشن میں لکھتی ہیں کہ اپنے پسندیدہ لوگوں کے ساتھ بہترین وقت گزرا، اداکارہ ممتاز کے ساتھ ایسی یادیں میرے لیے اعزاز کی بات ہے۔
یاد رہے کہ بالی ووڈ اداکارہ ممتاز نے 2 دہائیوں تک بالی ووڈ پر راج کیا اور اپنا ایک نام پیدا کیا جبکہ پاکستانی اداکارہ ریشم بھی انڈسٹری میں اپنا ایک نام رکھتی ہیں۔
