ترکیہ میں 6 فروری کو آنے والے ہولناک زلزلہ کے بعد سے اب تک خاصی بڑی تعداد میں زلزلوں اور آفٹر شاکس کا سلسلہ جاری ہے۔
ترک انادولو ایجنسی نے ملک کی ایمرجنسی اور ڈیزاسٹر مینجمنٹ اتھارٹی کے پیش کردہ اعداد و شمار کا حوالہ دیتے ہوئے کہا ہے کہ ایجنسی نے 6 فروری سے تا حال ترکیہ اور گرد و نواح کے علاقوں میں آنے والے زلزلوں اور آفٹر شاکس ہولناک تعداد کا اعلان کیا ہے۔
ڈیزاسٹر مینجمنٹ اتھارٹی کے حوالے سے ہفتہ کو بتایا گیا کہ اس کے ماہرین نے 6 فروری سے اب تک ترکیہ اور اس کے ارد گرد تقریباً 13 ہزار زلزلوں اور آفٹر شاکس ریکارڈ کیے ہیں۔
یاد رہے کہ 6 فروری کوجنوبی ترکیہ اور شمالی شام میں 7اعشاریہ7 اور 7اعشاریہ 6 کی شدت کے 2 زلزلے آئے تھے جس کے بعد ہزاروں کی تعداد میں شدید نوعیت کے آفٹر شاکس آچکے ہیں
ترکیہ میں آنے والے تباہ کن زلزلہ کے نتیجے میں 50 ہزار سے زائد افراد نے جان کی بازی ہاری اور ہزاروں عمارتیں منہدم ہونے سے بڑے پیمانہ پر تباہی ہوئی ہے جس سے اربوں ڈالر زکا نقصان بھی ہوا۔
