پاکستانی شوٹر کشمالہ طلعت نے ایشین شوٹنگ چیمپیئن شپ میں چاندی کا تمغہ جیت کر پیرس اولمپکس 2024 کے لیے کوالیفائی کرلیا ہے۔
کشمالہ طلعت نے انڈونیشیا کے شہر جکارتہ میں ایشین شوٹنگ چیمپیئن شپ میں خواتین کے 10 میٹر ایئر پسٹل ایونٹ میں 236.6 پوائنٹس کے ساتھ دوسری پوزیشن حاصل کی۔
بھارت کی ایشا سنگھ نے 243.1 پوائنٹس کے ساتھ طلائی تمغہ جیتا جبکہ ان کی ساتھی رتھم سانگوان نے 214.5 پوائنٹس کے ساتھ کانسی کا تمغہ جیتا۔
Kishmala Talat, first Pakistani female shooter to
Win Silver Medal (Air Pistol) @ Asian Shooting Championships
Secure direct Olympic Quota for #Paris2024She holds prestigious IOC Olympic Scholarship for Paris 2024. pic.twitter.com/USWCQogKlP
— Pakistan Olympic Association (@NOCPakistan) January 8, 2024
گلفام جوزف اور جی ایم بشیر کے بعد 21 سالہ کشمالہ طلعت پیرس اولمپکس کے لیے کوالیفائی کرنے والی تیسری پاکستانی شوٹر ہیں۔
انہوں نے گزشتہ سال ایشین گیمز میں بھی 10 میٹر ایئر پسٹل ایونٹ میں کانسی کا تمغہ جیتا تھا ، اسکواش میں چاندی اور کبڈی میں کانسی کا تمغہ جیتنے کے بعدکشمالہ طلعت نے پاکستان کے لیے واحد تمغہ جیتا تھا۔ طلعت نے 2019 میں ساؤتھ ایشین گیمز میں بھی چاندی کا تمغہ جیتا تھا۔
طلعت ان 12 بہترین پاکستانی کھلاڑیوں میں شامل تھیں جنہیں پیرس اولمپکس کی تیاری کے لیے 2022 میں آئی او سی اسکالرشپ دی گئی تھی۔
جیولین اسٹار ارشد ندیم اس سال کے اولمپکس کے لیے کوالیفائی کرنے والے پہلے پاکستانی کھلاڑیوں تھی جنہوں نے گزشتہ سال اگست میں بوڈاپیسٹ میں ورلڈ ایتھلیٹک چیمپیئن شپ میں چاندی کا تمغہ جیتا تھا۔
