ایف آئی اے گوجرانوالہ اور گجرات سرکل نے امریکی پولیس اہلکار سمیت 4 انسانی اسمگلرز کو گرفتار کیا ہے۔
ایف آئی اے گوجرانوالہ اورگجرات سرکل کی ٹیم نے گزشتہ رات گجرات میں سیاسی جماعت کے ڈیرے پر چھاپا مار کر امریکا کے پولیس اہلکار زین چیمہ کو گرفتار کیا ہے جبکہ 3 دیگر افراد کو بھی گرفتار کیا گیا ہے۔
ایف آئی اے کے مطابق سیاسی جماعت کے ڈیرے پر انتخابات 2024 میں حصہ لینے والے آزاد امیدوار چوہدری مدثر رضا مچھیانہ کارکنوں کے ساتھ موجود تھے جبکہ امریکی پولیس کا ایک ملازم بھی وہاں موجود تھا، ایف آئی اے نے ملزمان کو گرفتار کر کے پولیس کے حوالے کردیا، پولیس نے ملزمان کے خلاف مقدمہ درج کرلیا ہے۔
ایف آئی اے کا کہنا ہے کہ گرفتار ملزمان سادہ لوح شہریوں کوجعلی دستاویزات پربیرون ممالک بھجواتے تھے۔
واضح رہے کہ زین چیمہ امریکا میں نیویارک پولیس میں ملازم ہے اور چھٹیاں گزارنے آبائی گھر آیا ہوا ہے، دوست سے ملنے مدثر مچھیانہ کے ڈیرے پر گیا تھا۔
