8 فروری کے عام انتخابات کی تیاریاں اس وقت اپنے عروج پر ہیں جس میں تحریک انصاف کے بانی عمران خان سمیت پی ٹی آئی کے کئی اہم چہرے نظر نہیں آ رہے لیکن پیپلز پارٹی اور ن لیگ کی عوامی رابطہ مہم زورو شور سےجاری ہے جس میں کارکنان کی بڑی تعداد شرکت کرتی دکھائی دیتی ہے۔
ایسے ہی ن لیگ کے خانیوال میں ہونے والے جلسے میں نواز شریف کا متوالا اپنی سائیکل بیچ کر کلثوم نواز اور نواز شریف کی والدہ کی تصاویر لیے جلسے میں پہنچا تھا جسے ن لیگی حلقوں کی جانب سے خوب پذیرائی ملی تھی۔
اس نوجوان کو کینیڈا سے موٹرسائیکل کا تحفہ بھی پہنچایا گیا تھا۔ اور گزشتہ روز ان کی نواز شریف اور مریم نواز سے ملاقات بھی کرائی گئی اور موٹر سائیکل کا تحفہ بھی دیا گیا۔
خانیوال جلسے میں سائیکل بیچ کر پہنچنے والے عبدالرحمان کو آج موٹرسائیکل کا تحفہ بھی مل گیا اور قائد میاں محمد نوازشریف اور امید سحر مریم نواز صاحبہ سے ملاقات بھی کرادی،الحمدواللہ@MaryamNSharif pic.twitter.com/v9K3nOk7Xj
— Pervaiz Sandhila (@chsandhilaa) January 30, 2024
ویڈیو کو مریم نواز کی جانب سے بھی شیئر کیا گیا۔
— Maryam Nawaz Sharif (@MaryamNSharif) January 30, 2024
ویڈیو شیئر ہونے کے بعد تحریک انصاف کے حامیوں کی جانب سے ن لیگ کو سخت تنقید کا نشانہ بنایا جا رہا ہے۔
ایک صارف نے نواز شریف پر تنقید کرتے ہوئے کہا کہ یہ لوگ عمران خان کی نقل کرتے ہیں مگر ٹھیک طرح نقل بھی نہیں کر سکتے۔
عمران خان کی نقل کرتے ہیں مگر کارکن سے خان جیسی محبت کی ٹھیک سے نقل بھی نہیں کرسکتے یہ لوگ
#عمران_خان_پر_ظلم_نامنظور #صرف_10_سال https://t.co/Kpnb9VAKxQ— Century Studio (@CenturyStudio2) January 30, 2024
سدرہ لکھتی ہیں کہ انہوں نے پتوکی سے تحریک انصاف کے امیدوار رانا الماس کی کاپی کی ہے۔
رانا الماس کے کام کی کاپی بھی کر لی🖐 کچھ تو اپنی عقل سے بھی کر لو🙏🏽@PTIofficial https://t.co/GoMEPZsbmR
— Sidr@ (@SdraPTI) January 30, 2024
ایک صارف نے لکھا کہ ہر کام میں عمران خان کی نقل؟
یہ ہر کام میں خان کی نقل۔ https://t.co/Tcuj0O8xlA
— ہاشمیات (@hashmiyat) January 30, 2024
خیال رہے کہ 5 اگست 2015 ء میں پتوکی میں پی ٹی آئی کے بانی چیئرمین عمران خان کا ایک جلسہ منعقد ہوا تھا۔ اس میں عمران خان نے رانا الماس کی جانب اشارہ کرتے ہوئے کہا کہ اس نے اپنی سائیکل فروخت کرکے یہ اہتمام کیا۔
رانا الماس پتوکی کے نواحی علاقے ’کچا پکا‘ سے تعلق رکھتے ہیں جنہیں عمران خان کی خصوصی ہدایت پر ٹکٹ دیا گیا ہے۔
