پاکستان پیپلزپارٹی کے چیئرمین بلاول بھٹو زرداری نے کہا ہے کہ کچھ سازشی قوتیں ایک بار پھر پیپلز پارٹی کو نشانہ بنا رہی ہیں، سازشی قوتوں کو معلوم ہے کہ جس طرح میں ملک کے دکھ درد کا احساس کرتا ہوں اس طرح کوئی احساس نہیں کرتا،ان کو معلوم ہے کہ اگر میں وزیراعظم بنتا ہوں تو ان کی سازشیں ناکام ہوجائیں گی۔
خصدار میں پیپلز پارٹی کے جلسے سے خطاب کرتے ہوئے چیئرمین پاکستان پیپلز پارٹی بلاول بھٹو زرداری نے کہا کہ آج وہ ایک بار پھر بلوچستان کی سرزمین پر کھڑے ہیں، آج کچھ قوتیں ایک بار پھر پیپلزپارٹی کو نشانہ بنارہی ہیں، کیوں کہ ان کو معلوم ہے کہ اگر بلاول بھٹو وزیراعظم اور کوئی جیالا بلوچستان کا وزیراعلی بنتا ہے تو ان کی تمام سازشیں ناکام ہوجائیں گی۔
مزید پڑھیں
بلاول بھٹو زرداری نے زرداری نے کہا کہ سازشی قوتوں کو معلوم ہے کہ جس طرح میں ملک کے دکھ درد کا احساس کرتا ہوں اس طرح کوئی احساس نہیں کرتا، ان کو معلوم نہیں کہ میں شہید بینظیر بھٹو کا بیٹا ہوں اور بلوچستان کے شہدا کا دکھ سمجھتا ہوں، وہ جانتے ہیں کہ میں بلوچستان کے حالات جانتا ہوں، وہ یہ بھی جانتے ہیں کہ میں نہ صرف دہشتگردوں کا مقابلہ کروں گا بلکہ لاپتا افراد کا مسئلہ بھی حل کروں گا۔
’ان کو معلوم ہے کہ اگر کوئی بلوچستان اور وفاق میں دراڑیں کم کرسکتا ہے تو بلاول بھٹوزرداری ہے، ہم نفرت اور تقسیم کی سیاست نہیں کرتے ہیں، وہ جانتے ہیں کہ پیپلز پارٹی واحد سیاسی جماعت ہے جو جھکتی نہیں ہے، ڈرتی نہیں ہے اور عوام کے حق پر سودا نہیں کرتی، پیپلز پارٹی وہ واحد جماعت ہے جو بلوچستان کو حق دلوا سکتی ہے۔ ‘
بلاول بھٹو زرداری نے کہا کہ سازشی جانتے ہیں کہ اگر صدر اٹھارویں ترمیم پر اگر پورے طریقے سے عمل ہوتا اور این ایف سی ایوارڈ کے تحت بلوچستان کو حقوق ملتے، اور آغاز حقوق بلوچستان کے تحت بلوچستان کے عوام کو حقوق ملتے تو آج بلوچستان کے حوالے سے جتنی سازشیں پک رہی ہیں سب ختم ہوجاتی۔
