کراچی سے 5 گھنٹے کی مسافت پر حجا موڑو کریک کے قریب مال سے لدی کشتی تیز ہواؤں کی وجہ سے قابو میں نا رہی اور ڈوب گئی، کشتی میں 50 ماہی گیر سوار تھے، جنہیں بچا لیا گیا تھا۔
مزید پڑھیں
ترجمان کوسٹل میڈیا سینٹر ابراہیم حیدری کمال شاہ کے مطابق سمندر میں ماہی گیروں کی کشتی ڈوب گئی تھی، ڈوبنے والے تمام ماہی گیروں کو بچالیا گیا ہے۔ ماہی گیر معمولی زخمی ہوئے، حجا موڑو کریک کے قریب ڈوبنے والی کشتی میں 50 ماہی گیر سوار تھے۔
کشتی ابراہیم حیدری سے روانہ ہوئی تھی، کراچی سے کشتی ڈوبنے کا مقام 5 گھنٹے کی مسافت پر ہے، ممکنہ طور پر مال سے لدی کشتی کو تیز ہواؤں کی وجہ سے حادثہ پیش آیا، ذرائع کے مطابق کشتی ابراہیم حیدری سے مرغی کے فیڈ کے لیے استعمال ہونے والی مچھلی کے شکار پر روانہ ہوئی تھی۔
