پاکستان میں انٹرنیٹ کی بندش کی وجہ سے صارفین ایکس (سابقہ ٹوئٹر) تک رسائی حاصل نہیں کر پا رہے جس کی وجہ سے ’وی پی این‘ کا استعمال کافی بڑھ گیا ہے۔ یہ بندش ایک ایسے وقت میں سامنے آئی ہے جب صارفین عام انتخابات میں ہونے والی مبینہ بے ضابطگیوں کو سامنے لا رہے تھے۔
اب جبکہ پاکستان میں وی پی این کے بغیر ایکس کا استعمال ممکن نہیں ہے تو صارفین وزیراعظم شہباز شریف سے سوال کرتے نظر آتے ہیں کہ آخر وہ معلومات کے حصول کے لیے کون سا وی پی این استعمال کرتے ہیں؟
جناب وزیراعظم پوچھنا یہ تھا کہ ٹویٹر کے لیے آپ کون سا والا وی پی این استعمال کر رہے ہیں؟ @CMShehbaz
— Bashir Chaudhary (@Bashirchaudhry) March 7, 2024
ایک صارف نے صحافی بشیر چوہدری کی جانب سے پوچھے جانے والے سوال پر کہا کہ وزیراعظم شہباز شریف نے 15 فروری کے بعد نہ تو کوئی ٹوئٹ کی اور نہ ہی شیئر کی۔
انہوں نے تو ابھی تک کوئی ٹویٹ ہی نہیں کی ۔😄
— Bakker Janjua (@Bakkerjanjua) March 7, 2024
فاروق عامر نے لکھا کہ جو وی پی این آپ استعمال کر رہے ہیں وہی کریں کیونکہ لالچ بری بلا ہے۔
جو آپ استعمال کر رہے ہیں اسی پر گزارہ کریں۔ لالچ بری بلا ہے
— Farooq Amir (@sy_Famir) March 7, 2024
ایک صارف نے ان پر انتخابات میں دھاندلی کا الزام لگاتے ہوئے کہا کہ شہباز شریف سپر کمپنی فارم 47 لمیٹڈ کا وی پی این استعمال کرتے ہیں۔
سپر کمپنی فارم 47 لیمٹڈ
— anmol (@AShah171) March 7, 2024
واضح رہے کہ گزشتہ کچھ دنوں میں پاکستان بھر میں کئی مرتبہ انٹرنیٹ سروسز سمیت سوشل میڈیا سائٹس ڈاؤن ہو چکی ہیں۔
