سنگاپور حکومت نے اسرائیلی سفارتخانے کو حکم دیا ہے کہ وہ اپنے آفیشل فیس بک پیج سے وہ متنازعہ پوسٹ ہٹائے جسے قابض ریاست کے وجود کا جواز فراہم کرنے کے لیے استعمال کیا گیا تھا۔
مزید پڑھیں
25 مارچ کو شائع کی گئی پوسٹ کو سنگا پور حکام کے احکامات پر اسی روز ہٹا دیا گیا تھا۔ اس پوسٹ میں اسرائیلی سفارتخانے نے کہا تھا، ’قرآن میں اسرائیل کا ذکر 43 بار آیا ہے۔ دوسری طرف فلسطین کا ایک بار بھی ذکر نہیں کیا گیا۔ آثار قدیمہ کے شواہد مثلاً نقشے، دستاویزات اور سکے ظاہر کرتے ہیں کہ یہودی لوگ اس سرزمین کے مقامی لوگ ہیں۔‘
تاہم، سنگا پور کے قانون اور امور داخلہ کے وزیر کے شانموگم نے اسے ’تاریخ کو دوبارہ لکھنے کی حیران کن کوشش‘ قرار دیا اور کہا کہ یہ پوسٹ ’غیر مہذب، نامناسب اور مکمل طور پر ناقابل قبول‘ ہے کیونکہ اس سے سنگا پور میں امن و امان کو نقصان پہنچنے کا خطرہ ہے۔
Singapore demanded that Israel's embassy delete their post as it is considered 'insensitive and inappropriate'. pic.twitter.com/7wKNReFqXX
— HAREEZ ANWAR 𓂆 (@hareez_anwar85) March 25, 2024
سٹریٹ ٹائمز سے بات کرتے ہوئے شانموگم نے کہا کہ وزارت داخلہ نے کل وزارت خارجہ سے بات کی تھی اور کہا تھا کہ سفارت خانے کو فوری طور پر پوسٹ کو ہٹانا ہوگا۔ انہوں نے کہا، ’سیاسی نکات پیش کرنے کے لیے مذہبی مندرجات کا جانبدارانہ انتخاب اور استعمال غلط ہے، موجودہ صورتحال میں اس سے برا اور کیا ہوگا کہ اسرائیلی سفارت خانہ اپنے مقصد کے لیے قرآن کا استعمال کر رہا ہے۔‘
Israel's embassy in Singapore ordered by the Singaporean Government to delete a post claiming: "Israel is mentioned 43 times in the Quran.
While Palestine is not mentioned even once"The Singaporean Home Affairs Minister nailed their ass elegantly
Watch pic.twitter.com/AkTAcJJxY0— Abier (@abierkhatib) March 25, 2024
ٹائمز نے اسرائیلی سفارت خانے کے ترجمان کا حوالہ دیتے ہوئے کہا کہ یہ پوسٹ حکام سے منظوری کے بغیر لگائی گئی تھی اور ذمہ دار کو سزا دے دی گئی ہے۔
واضح رہے کہ قرآن میں 43 بار’اسرائیل‘ کا ذکر کیا ہے لیکن یہ حوالہ جات موجودہ ناجائز ریاست اسرائیل سے متعلق نہیں ہیں بلکہ حضرت یعقوب علیہ السلام کی اولاد کے بارے میں ہیں، جنہیں ’اسرائیل‘ کہہ کر مخاطب کیا گیا۔ تاہم اسرائیلی سفارت خانے نے اس تذکرے کو اپنی ریاست کے قیام کے جواز کے طور پر پیش کیا تھا۔
