انسداد دہشتگردی عدالت گوجرانوالہ نے 9 مئی کے واقعات میں ملوث 51 ملزمان کو 5،5 سال قید کی سزا سنا دی۔
انسداد دہشتگردی عدالت کی جج نتاشہ نسیم نے گوجرانوالہ سینٹرل جیل میں کیس کی سماعت کی، جبکہ اس موقع پر سیکیورٹی کے سخت انتظامات کیے گئے تھے۔
مزید پڑھیں
یاد رہے کہ 9 مئی 2023 کو سابق وزیراعظم عمران خان کو القادر ٹرسٹ کرپشن کیس میں گرفتار کیا گیا تو پی ٹی آئی کی جانب سے پرتشدد احتجاج کیا گیا تھا۔
اس موقع پر ملک کی اہم تنصیبات اور شہدا کی یادگاروں کو بھی نشانہ بنایا گیا جس پر قانون نافذ کرنے والے اداروں نے کارروائی کرتے ہوئے پی ٹی آئی کے متعدد رہنماؤں اور کارکنوں کو حراست میں لیا تھا۔
سانحہ 9 مئی میں ملوث ملزمان کے حوالے سے فیصلہ کیا گیا تھا کہ جو ملزمان فوجی تنصیبات پر حملوں میں ملوث ہیں ان کے کیسز فوجی عدالتوں میں چلیں گے، جبکہ دیگر کو انسداد دہشتگردی کی عدالتوں سے سزائیں دلوائی جائیں گی۔
