پاکستان بار کونسل نے کہا ہے کہ چیف جسٹس کے استعفے کا مطالبہ وہی کر رہے ہیں جو عدلیہ میں تقسیم چاہتے ہیں۔ چیف جسٹس پاکستان اور چیف جسٹس ہائیکورٹ کے استعفے کے مطالبے کی پرزور مذمت کرتے ہیں۔
پاکستان بار کونسل سے جاری اعلامیے کے مطابق اسلام آباد ہائیکورٹ کے ججز کے خط کے معاملے پر پاکستان بار کونسل کا اجلاس ہوا۔ اجلاس میں معاملے پر ایک قرارداد منظور کی گئی ہے۔
مزید پڑھیں
قرار داد میں کہا گیا ہے کہ چیف جسٹس پاکستان اور چیف جسٹس ہائیکورٹ کے استعفے کا مطالبہ نامناسب ہے، ایسے مطالبات عدلیہ کی آزادی کو نیچا دکھانے کے مترادف ہیں، ہائیکورٹ ججز کے خط کی مکمل تحقیقات ہونی چاہییں۔
پاکستان بار کونسل نے کہا ہے کہ سوموٹو کیس کا بھی جلد فیصلہ کیا جائے۔ استعفے سے معاملات حل نہیں مزید خراب ہوں گے، استعفے کے مطالبے کی پرزور مذمت کرتے ہیں۔
