پی ٹی آئی کا اپریل کے آخری ہفتے سے پنجاب میں جلسے کرنے کا فیصلہ، کمیٹی قائم

پاکستان تحریک انصاف (پی ٹی آئی) نے پنجاب میں اپریل کے آخری ہفتے سے جلسے کرنے کا فیصلہ کیا ہے۔

پاکستان تحریک انصاف کے سینیئر رہنما حماد اظہر نے سماجی رابطے کی سائٹ ایکس پر ایک بیان میں بتایا کہ 21 اپریل سے جلسوں کی شروعات ہوگی۔

پنجاب میں 21 تاریخ کے بعد جلسوں کی شروعات ہو گی۔ پنجاب کی قیادت پر مشمل کمیٹی بنائی گئی ہے جو تمام حکمت عملی کی ترتیب دے گی:

– ریحانہ ڈار صاحبہ
– مہربانو قریشی
– زرتاج گل
-سیمابیہ طاہر
– حافظ حامد رضا
– شیخ وقاص اکرم
– ملک عامر ڈوگر
– سلمان اکرم راجہ
– زین قریشی
– احمد چھٹہ
-…

— Hammad Azhar (@Hammad_Azhar) April 14, 2024

حماد اظہر کے مطابق جلسوں کے حوالے سے حکمت عملی ترتیب دینے کے لیے ایک کمیٹی بنائی گئی ہے جس میں ریحانہ ڈار، مہربانو قریشی، زرتاج گل، سیمابیہ طاہر شامل ہیں۔

اس کے علاوہ کمیٹی میں حافظ حامد رضا، شیخ وقاص اکرم، ملک عامر ڈوگر، سلمان اکرم راجا، زین قریشی اور احمد چٹھہ بھی شامل ہوں گے۔

پی ٹی آئی رہنما ملک احمد خان، میاں اسلم اقبال، عون عباس ببی، رائے حسن نواز اور اعجاز منہاس بھی کمیٹی کا حصہ ہوں گے۔

واضح رہے کہ پاکستان تحریک انصاف نے 8 فروری کو ہونے والے عام انتِخابات کو دھاندلی زدہ قرار دیا ہے۔

اس وقت حکومت کے خلاف اپوزیشن کی مشترکہ تحریک کا آغاز پشین سے ہوچکا ہے جس میں پی ٹی آئی کے علاوہ دیگر جماعتیں بھی شامل ہیں۔