متحدہ عرب امارات میں غیر معمولی بارش،75 سالہ ریکارڈ ٹوٹ گیا، ہر ریاست ڈوب گئی

جمعرات 18 اپریل 2024
icon-facebook icon-twitter icon-whatsapp

میڈیا رپورٹس کے مطابق متحدہ عرب امارات میں گزشتہ بارش کا 75 سالہ ریکارڈ ٹوٹ گیا، شدید بارشوں کے باعث سڑکیں ڈوب گئیں، مارکیٹس، شاپنگ مالز اور میٹرو اسٹیشنز میں بارش کا پانی داخل ہوگیا۔ شارجہ کی کئی سڑکیں نہروں میں بدل گئیں، عجمان اورالعین میں بھی طوفانی بارشوں نے نظام زندگی معطل کردیا۔

دبئی کی سب سے اہم شاہراہ شیخ زاید کے متعدد حصے بند کرنے پڑگئے۔ شیخ زاید روڈ پر چند کلو میٹر کا فاصلہ کئی گھنٹوں میں طے ہونے لگا۔ اس کے علاوہ دنیا کی بلند ترین عمارت برج خلیفہ کے سامنے پانی جمع ہوگیا جبکہ شدید بارش نے 25 منٹ تک دبئی ائیرپورٹ پر فلائٹ آپریشن بند رکھا جس سے آنے جانے والی کئی پروازیں منسوخ کردی گئیں۔

الجزیرہ کی رپورٹ کے مطابق منگل کی رات تک دبئی میں ایک ہی دن میں 142 ملی میٹر (14سنٹی میٹر) سے زائد بارش ہوئی۔ دبئی کے بین الاقوامی ہوائی اڈے پر جوکہ بین الاقوامی سفر کے لیے دنیا کا سب سے مصروف اور طویل سفر کرنے والے امارات کا مرکز ہے، اس ایئر پورٹ پر ایک سال میں 94 ملی میٹر بارش ریکارڈ ہوئی ہے۔

مسافروں کو شدید پریشانی کا سامنا اس وقت کرنا پڑا جب دبئی انٹرنیشنل ایئر پورٹ پر ہوائی جہاز کے اترتے ہی ٹیکسی ویز پر سیلابی پانی کا ذخیرہ دیکھا گیا۔ ہوائی اڈے پر طیاروں کی آمد کو روک دیا گیا اور مسافروں کو آس پاس کی سڑکوں پر سیلابی پانی سے گزر کر ٹرمینلز تک پہنچنے کے لیے شدید مشکلات کا سامنا کرنا پڑا۔

دبئی انٹر نیشنل ایئر پورٹ کے حکام نے اعتراف کیاکہ سیلاب کے باعث حمل ونقل آمد و رفت محدود ہوگئی اور پروازوں کی آمدو رفت بھی متاثر ہوئی ہے کیونکہ ہوائی جہازوں کا عملہ ہوائی اڈے تک نہیں پہنچ سکا۔

دبئی سے ہندوستان کے لیے 29 اور پاکستان کے لیے 45 پروازیں منسوخ کردی گئی تھیں۔ دیگر ممالک کی پروازوں کا بھی یہی حال رہا۔ اس دوران یو اے ای کے محکمہ موسمیات نے ریڈ الرٹ جاری کرتے ہوئےعوام کو محتاط ر ہنے کی بھی ہدایت کی۔

اس کے علاوہ امارات میں تعلیمی اداروں میں آن لائن کلاسز اور دفاتر کو ورک فرام ہوم کی ہدایت جاری کی گئی۔ اس کے ساتھ ساتھ اماراتی شہروں کے درمیان چلنے والی بس سروس بھی معطل کردی گئی۔

واضح رہے متحدہ عرب امارات میں سیلابی پانی بازاروں، شاپنگ مالز، میٹرو اسٹیشنوں میں جمع ہوگیا۔ طوفانی بارشوں کی وجہ سے دبئی کی سب سے مصروف اور اہم شاہرا شیخ زاید روڈ کو بھی کئی مقامات سے بند کرنا پڑ گیا۔ ٹریفک نظام کےمفلوج ہوجانے کے باعث کئی کلومیٹر تک طویل گاڑیوں کی قطاریں لگ گئیں۔ حکومت نے عام شہریوں کو غیر ضروری گھروں سے نہ نکلنے کی ہدایت کی۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

محسن نقوی کا نواب شاہ کا اچانک دورہ، صدر آصف علی زرداری کو اہم پیغام پہنچایا

ایران سے کسی ڈیل کی ضرورت نہیں، جے ڈی وینس امن معاہدے کی کوشش کے بجائے ملک میں کرپشن پر توجہ دیں، ڈونلڈ ٹرمپ

پیٹرولیم مصنوعات کی قیمتوں میں کمی کا سلسلہ جاری، ڈیزل 4 روپے اور پیٹرول 3 روپے فی لیٹر سستا

خواجہ سعد رفیق نے عمران خان سے ملاقاتوں کو 28ویں آئینی ترمیم اور گورنر راج سے جوڑ دیا

مستونگ، فورسز نے بارود سے بھری گاڑی تباہ کر کے دہشتگردی کا بڑا منصوبہ ناکام بنا دیا، کارروائی میں 3 دہشتگرد ہلاک

ویڈیو

کوہاٹ میں سونے کی غیرقانونی کان کنی اور عسکریت پسندوں کا گٹھ جوڑ : حکومت کیا کرنے جارہی ہے؟

تربیلا ڈیم توسیعی منصوبے میں حادثہ، خیبرپختونخوا میں بجلی کا بحران شدت اختیار کرگیا

کیا بشریٰ بی بی کی اڈیالہ جیل سے رہائی کے امکانات بڑھ گئے ہیں؟

کالم / تجزیہ

فلسفہ وغیرہ !

جے یو آئی تحریک انصاف کے راستے پر؟

پانچ سوال، جو امریکا کے مستقبل کا فیصلہ کریں گے