امریکا اور ایران 2 مخالف ممالک کے سفیر ایک ہی وقت میں پاکستان کے دفتر خارجہ پہنچ گئے۔
سفارتی ذرائع کے مطابق امریکی سفیر ڈونلڈ آرمن بلوم اپنے وفد کے ہمراہ دفتر خارجہ پہنچے جبکہ ایرانی سفیر رضا امیری مقدم بھی وفد کے ساتھ دفتر خارجہ آئے۔
مزید پڑھیں
دونوں مخالف ممالک کے سفیروں کی دفتر خارجہ میں علیحدہ علیحدہ ملاقاتیں شیڈول تھیں۔
سفارتی ذرائع کے مطابق امریکی سفیر ڈونلڈ بلوم نے وزیر خارجہ اسحاق ڈار سے ملاقات کی۔ ’امریکی سفیر نے پاک امریکا تعلقات، آئی ایم ایف، پاکستان کے ساتھ اقتصادی تعاون سمیت دیگر معاملات پر بات چیت کی‘۔
ذرائع نے بتایا کہ ایرانی سفیر رضا امیری مقدم نے ایڈیشنل سیکریٹری رحیم حیات قریشی سے ملاقات کی ہے۔
رحیم حیات قریشی ایڈیشنل سیکریٹری برائے مغربی ایشیا، یورپ، افغانستان و ترکیہ ہیں۔
ذرائع کے مطابق ایرانی سفیر نے ایرانی صدر ڈاکٹر ابراہیم رئیسی کے دورہ پاکستان سے متعلق معاملات پر تبادلہ خیال کیا۔
حالیہ ایران اسرائیل کشیدگی کے بعد پہلی مرتبہ دونوں ممالک کے سفیر ایک ہی وقت میں دفتر خارجہ موجود رہے۔
