پیٹرول عالمی سطح پر کبھی مہنگا تو کبھی سستا ہوتا ہے لیکن مہنگا ہونے کی صورت میں کئی ممالک میں عوام کو مہنگائی کا خمیازہ بھگتنا پڑتا ہے اور اس کا سامنا پاکستان کی عوام بھی کر رہی ہے۔ پیٹرول کی بڑھتی قیمتوں نے لوگوں کے سفری ذرائع استعمال کرنے کے لیے زمانہ قدیم کی یاد تازہ کروا دی ہے۔ یہی وجہ ہے کہ اب گدھوں کی قدر وقیمت میں ایک دم اضافہ ہو گیا ۔
غیر ملکی میڈیا کی رپورٹس کے مطابق افریقی جنگ زدہ ملک سوڈان میں پیٹرول مہنگا ہونے پر وہاں کے شہریوں نے سفری ذرائع کا متبادل گدھوں کو بنالیا جس سے جہاں گدھے کی قدر بڑھی وہیں اس کی قیمت بھی آسمان سے باتیں کرنے لگی ہیں۔
سوڈان میں پیٹرول کی قیمتوں میں اضافے اور کئی پمپس پر ایندھن دستیاب نہ ہونے پر لوگوں نے سفر کے لیے گدھا گاڑیوں سے ناتا جوڑ لیا ہے۔ تاہم گدھوں کی بڑھتی مانگ کے پیش نظر اب گدھوں کی قیمتوں میں بھی اضافہ دیکھنے میں آ رہا ہے جس نے لوگوں کی فکر میں اضافہ کر دیا ہے۔
واضح رہے کہ پاکستان میں بھی گزشتہ 2ماہ کے دوران 4 بار پٹرولیم مصنوعات کی قیمتوں میں اضافہ ہوا ہے۔
