گزشتہ روز پاکستان اور نیوزی لینڈ کے درمیان کھیلا جانے والا پہلا ٹی 20 میچ بارش کی وجہ سے منسوخ کردیا گیا تھا، بارش کے باعث پاکستان اور نیوزی لینڈ کا میچ 5 اوور تک محدود کیا گیا تھا جو شروع ہوتے ہی ختم ہو گیا۔
بارش کے باعث میچ مقررہ وقت 7:30 کے بجائے 10 بجکر 17 منٹ پر شروع ہوا جو صرف 2 گیندوں کے بعد ہی منسوخ کردیا گیا۔ نیوزی لینڈ کی جانب سے 2بال پر 2رنز بنائے گئے جبکہ 1 کھلاڑی آؤٹ ہو گیا تھا۔ شاہین شاہ آفریدی 1 وکٹ حاصل کرنے میں کامیاب ہوئے۔
بارش کے باعث منسوخ ہونے والے میچ پر شائقین پریشانی میں مبتلا نظر آئے کہ ٹکٹ ری فنڈ ہوں گے یا نہیں، جس پر حکام کی جانب سے کہا گیا کہ کرکٹ قوانین کے مطابق ٹی 20 میچ واش آؤٹ ہونے پرٹکٹیں ری فنڈ نہیں ہوں گی، چونکہ پہلے میچ کا ٹاس ہوگیا تھا۔
سپورٹس جرنلسٹ عمران صدیقی نے سماجی رابطوں کی سائیٹ ایکس پر کرکٹ میچ کے حوالے سے تبصرہ کرتے ہوئے کہا کہ ایک بال بھی ہو جائے تو ٹکٹ کا پیسہ واپس نہیں ہوگا۔ پنڈی والوں کا آج نقصان ہوگیا اور شاہین شاہ آفریدی کی آج زبردست وکٹ لاکھوں کی پڑی۔
ایک بال بھی ہو جائے تو ٹکٹ کا پیسہ واپس نہیں ہوگا۔ پنڈی والوں کا آج نقصان ہوگیا۔ شاہین شاہ کی آج زبردست وکٹ لاکھوں کی پڑی 😊😊 pic.twitter.com/L6YHaQ6nLm
— ٰImran Siddique (@imransiddique89) April 18, 2024
فیضان لاکھانی لکھتے ہیں کہ شائقین کے پیسے ڈبونے کے لیے صرف ٹاس بھی کافی تھا۔
ٹاس بھی کافی تھا پیسے ڈوبنے کیلئے 🤣
— Faizan Lakhani (@faizanlakhani) April 18, 2024
ایک ایکس صارف نے لکھا کہ یہ تو پنڈی کے شائقین کے ساتھ مذاق ہو گیا۔
Wowwww ye tow prank hogya pindi wlon sy! https://t.co/zsYhGcqbDA
— 𝐊 🇵🇰🇵🇸 (@_iamkaifff) April 18, 2024
جہاں کئی صارفین نے طنزو مزاح کا سہارا لیا وہیں چند شائقین ایسے بھی تھے جنہوں نے پی سی بی سے کہا کہ انہیں اپنی پالیسز پر نظر ثانی کرنے کی ضرورت ہے، اگر کوئی نتیجہ نہیں نکلتا ہے تو میچ کے ٹکٹ ری فنڈ ہونے چاہیئں۔
They really need to revise this policy, Payment should be refunded if No result(Match-Abandoned) happens https://t.co/2wLoZs4Mwo
— Taha! (@Lostguytaha) April 18, 2024
واضح رہے کہ راولپنڈی اسٹیڈیم میں پاکستان اور نیوزی لینڈ کے درمیان ٹی 20 سیریز کے ابتدائی 3 میچز ہوں گے جبکہ باقی 2 میچز لاہور میں کھیلے جائیں گے۔
