فوجی عدالتوں میں سویلین کے ٹرائل کالعدم قراردینے کے خلاف دائر اپیلوں پر سپریم کورٹ نے سماعت کا دن مقرر کر دیا ہے، جسٹس امین الدین کی سربراہی میں سپریم کورٹ کا 6 رکنی بینچ 24 اپریل کو دن ساڑھے 11 بجے سماعت کرے گا۔
6 رکنی اس بینچ میں جسٹس محمد علی مظہر، جسٹس حسن اظہر رضوی، جسٹس شاہد وحید، جسٹس مسرت ہلالی اور جسٹس عرفان سعادت خان شامل ہوں گے۔
سپریم کورٹ نے گزشتہ سماعت پر اٹارنی جنرل سے فوجی عدالتوں سے 3 سال تک سزا پانے والے ملزمان کی تفصیلات طلب کی تھیں، اٹارنی جنرل نے عید الفطر پر رہا ہونے والے ملزمان کی تفصیلات سپریم کورٹ میں جمع کروائی تھیں، عدالت نے عید الفطر سے قبل ایک سال تک سزا پانے والے 20 ملزمان کو رہا کرنے کا حکم دیا تھا۔