الیکشن کمیشن آف پاکستان نے پاکستان تحریک انصاف کے نئے انٹرا پارٹی انتخابات پر بھی اعتراضات عائد کردیے ہیں۔
میڈیا رپورٹس کے مطابق الیکشن کمیشن کی جانب سے پی ٹی آئی کو 30 اپریل کے لیے نوٹس جاری کیا گیا ہے۔
مزید پڑھیں
الیکشن کمیشن کے پولیٹیکل فنانس ونگ نے پی ٹی آئی کو ہدایت کی ہے کہ 30 اپریل کو کمیشن کے سامنے پیش ہوں۔
پاکستان تحریک انصاف کی جانب سے انٹرا پارٹی انتخابات کی تفصیلات 4 مارچ کو جمع کرائی گئی تھیں۔
واضح رہے کہ عام انتخابات سے قبل الیکشن کمیشن نے پی ٹی آئی کے انٹرا پارٹی انتخابات کالعدم قرار دے دیے تھے اور پارٹی کا انتخابی نشان بھی واپس لے لیا گیا تھا۔
اس کے بعد پی ٹی آئی نے دوبارہ انٹرا پارٹی انتخابات کروانے کا اعلان کیا۔ جس میں بیرسٹر گوہر علی خان بلا مقابلہ چیئرمین جبکہ عمر ایوب سیکریٹری جنرل منتخب ہوئے تھے۔
