پاک فوج کی جانب سے صوابی میں کیپٹن کرنل شیر خان شہید (نشان حیدر) کے مزار کی تعمیر نو اور تزئین و آرائش مکمل کرلی گئی۔
مزید پڑھیں
شہید کے اہل خانہ اور علاقہ کے عوام کی پرزور فرمائش پر پاک فوج نے مزار کی تعمیر نو اور تزئین و آرائش کا کام 4 ماہ کی قلیل مدت میں کیا۔
مزار کے احاطہ میں شہید کی زندگی کے حوالے سے یادگاری تصاویر اور زیراستعمال دیگر سامان بھی محفوظ کیا گیا ہے۔
مزار کی تعمیر نو اور تزئین و آرائش مکمل ہونے پر سادہ اور پُروقار تقریب کا اہتمام کیا گیا۔
کور کمانڈر پشاور لیفٹیننٹ جنرل حسن اظہر حیات نے مزار کا افتتاح کیا۔ انہوں نے مزار پر پھول رکھے اور شہید کے بلند درجات کے لیے فاتحہ خوانی کی۔
اس موقع پر کورکمانڈر پشاور نے کیپٹن کرنل شیر خان شہید کے اہل خانہ سے ملاقات کی اور شہید کو خراج تحسین پیش کیا۔
مزار کی تعمیر نو اور تزئین و آرائش پر کیپٹن کرنل شیر خان شہید کے اہل خانہ اور علاقہ کے عوام نے پاک فوج کا شکریہ ادا کیا۔
