جماعت اسلامی پاکستان کے امیر حافظ نعیم الرحمان نے کہا ہے کہ فارم 47 کی بنیاد پر بننے والی حکومت کو تسلیم نہیں کرسکتے۔
کراچی پریس کلب میں ’میٹ دی پریس‘ سے خطاب کرتے ہوئے حافظ نعیم الرحمان نے کہاکہ کھوکھلی حکومت کا عوام سے کوئی تعلق نہیں۔
مزید پڑھیں
انہوں نے کہاکہ عام انتخابات کے علاوہ بلدیاتی الیکشن میں بھی شبخون مارا گیا، سندھ میں پیپلزپارٹی اور ایم کیو ایم کو عوام پر مسلط کیا گیا ہے۔
امیر جماعت اسلامی نے کہاکہ مسلم لیگ ن کی سیاست ختم ہوگئی، یہ بات ظلط ہے کہ پاکستان میں گیس کے ذخائر ختم ہوگئے۔
حافظ نعیم الرحمان نے کہاکہ جماعت اسلامی ملکی مسائل کے حل کے لیے اپنی جدوجہد جاری رکھے گی۔
انہوں نے مزید کہاکہ حکومت امریکا کے کہنے پر پاک ایران گیس پائپ لائن منصوبے پر کام شروع نہیں کررہی۔
