وزیراعلیٰ پنجاب مریم نواز شریف نے آزادی اظہار کے لیے شہید ہونے والے برصغیر کے پہلے صحافی مولوی محمد باقر کو خراج تحسین پیش کیا ہے۔
مزید پڑھیں
وزیراعلیٰ پنجاب مریم نواز شریف نے آزادی صحافت کے عالمی دن پر اپنے خصوصی پیغام میں کہا ہے کہ میڈیا نے اجتماعی شعور بیدار کرنے کے لیے ناقابل فراموش کردار ادا کیا ہے، مثبت تبدیلی کے لیے آزادی صحافت کے لیے احساس ذمہ داری ضروری امرہے۔
مریم نواز کا کہنا ہے کہ شفافیت، صحت مند جمہوریت اور باشعور عوام کے لیے آزادی اظہار ضروری ہے، حکومت پنجاب صحافت اور صحافیوں کی فلاح و بہبود کے لیے ممکنہ اقدامات کر رہی ہے۔
وزیراعلیٰ مریم نواز نے ذمہ داری کے ساتھ آزادی اظہار کے لیے کوشاں صحافیوں اور دور آمریت میں حریت فکر کا علم بلند کرنے والے ہر صحافی کو خراج تحسین پیش کیا ہے۔
انہوں نے آزادی اظہار رائے کے لیے شہید ہونے والے برصغیر کے پہلے صحافی مولوی محمد باقر کو بھی سلام پیش کیا ہے اور انہیں خراج عقیدت پیش کیا ہے۔
