اقوام متحدہ کے ثقافتی ادارے نے غزہ کے صحافیوں کو فلسطینی علاقے پر اسرائیل کی جنگ کی کوریج کرنے پر یونیسکو، گلرمو کانو ورلڈ پریس فریڈم پرائز 2024 کا فاتح قرار دیا ہے۔
یونیسکو نے اپنے اعلامیے میں کہا ہے کہ 1997 سے جاری ہونے والا یہ سالانہ ایوارڈ دنیا میں کہیں بھی پریس کی آزادی کے دفاع اور فروغ میں نمایاں خدمات کو خراج تحسین پیش کرتا ہے، خاص طور پر اس وقت جب یہ خطرے کا سامنا کرتے ہوئے حاصل کیا گیا ہو۔
مزید پڑھیں
ایوارڈ کے فاتحین کی سفارش کرنے والے میڈیا پروفیشنلز کی بین الاقوامی جیوری کے چیئرمین موریسیو ویبل نے کہا کہ اندھیرے اور ناامیدی کے اس دور میں، ہم ان فلسطینی صحافیوں کو یکجہتی اور تسلیم کرنے کا ایک مضبوط پیغام دینا چاہتے ہیں جو ایسے ڈرامائی حالات میں اس بحران کی کوریج کر رہے ہیں۔
Palestinian journalists covering Gaza awarded the 2024 @UNESCO / Guillermo Cano World #PressFreedom Prize.https://t.co/9Zt7qge6yo #WorldPressFreedomDay pic.twitter.com/4liqPSdXtJ
— UNESCO 🏛️ #Education #Sciences #Culture 🇺🇳 (@UNESCO) May 2, 2024
کمیٹی ٹو پروٹیکٹ جرنلسٹس نے یکم مئی کو کہا تھا کہ ابتدائی تحقیقات کے مطابق 7 اکتوبر کو غزہ پر جنگ شروع ہونے کے بعد سے شہید ہونے والے 35 ہزار سے زائد افراد میں کم از کم 97 صحافی اور میڈیا ورکرز شامل ہیں۔ ان میں 92 فلسطینی، 2 اسرائیلی اور 3 لبنانی صحافی شامل ہیں۔
