پنجاب کے وزیر خوراک بلال یاسین کا کہنا ہے کہ نگراں دور حکومت میں گندم کی غیر ضروری درآمد سے کاشتکار کے لیے بحران پیدا ہوا، اس ضمن میں وزیراعظم نے فیکٹ فائنڈنگ کمیٹی تشکیل دی ہے، جو جلد رپورٹ پیش کرے گی۔
مزید پڑھیں
وزیر خوراک پنجاب کا کہنا ہے کہ حکومت فیکت فائنڈنگ کمیٹی کی رپورٹ پبلک کرنے اور گندم بحران کے ذمہ داروں کے خلاف ایکشن لینے کا ارادہ رکھتی ہے، پنجاب کے عوام کو آٹے اور روٹی کی قیمت میں تاریخی ریلیف فراہم کر رہے ہیں، ایک ماہ میں 20 کلو آٹے کا تھیلا 1000 روپے سستا ہوچکا ہے۔
صوبائی وزیر خوراک کے مطابق پنجاب بھر میں روٹی اور نان کم کی گئی نوٹیفائیڈ قیمتوں پر دستیاب ہیں، آٹے اور روٹی کی قیمت میں کمی سے عام آدمی کا بھلا ہوا، پوری توجہ غریب آدمی کے ریلیف پر مرکوز کی اور روٹی کی قیمت کم کر کے دکھائی،
’صوبے کی 50 فیصد آبادی شہروں میں رہتی ہے، غریب عوام آٹے کی قیمت میں کمی پر خوش ہیں، پنجاب میں 23 لاکھ میٹرک ٹن گندم کا کیری فارورڈ اسٹاک موجود ہے جو اگلے پورے سال کے لیے کافی ہے۔‘
وزیر خوراک بلال یاسین کا کہنا تھا کہ کاشتکاروں کے تحفظ کے لیے مارکیٹ میں گندم کی طلب و رسد پر گہری نگاہ ہے، عوام کو ہر ممکن ریلیف دینا حکومت کی اولین ترجیح ہے۔
