پارک لین اور توشہ خانہ ریفرنس: صدر زرداری کو صدارتی استثنیٰ مل گیا

احتساب عدالت کے جج ناصر جاوید رانا نے صدر مملکت آصف زرداری کی نیب کیسز میں صدارتی استثنیٰ کی درخواستوں کا تحریری فیصلہ جاری کردیا۔ تحریری فیصلے میں کہا گیا ہے جب تک آصف علی زرداری صدر مملکت ہیں ان کے خلاف کیسز کی کارروائی آگے نہیں بڑھ سکتی۔

آصف علی زرداری کی جانب سے آئین کے آرٹیکل 248 (2) کے تحت درخواست دائر کی گئی تھی۔ مؤقف اختیار کیا گیا تھا کہ آصف زرداری جب تک صدر مملکت ہیں کیسز کی کریمنل کارروائی جاری نہیں رہ سکتی۔

پراسکیوشن کی جانب سے ان درخواستوں پر کوئی بھی اعتراض نہیں کیا گیا اور نہ ہی مخالفت کی گئی تھی۔ فیصلے میں کہا گیا ہے کہ آئین کے آرٹیکل 248 (2) کے تحت صدر مملکت کے خلاف کوئی کیس ہوسکتا اور نا کوئی کارروائی جاری رہ سکتی ہے۔

صدر مملکت آصف علی زرداری کی پارک لین اور توشہ خانہ کیسز سے صدارتی استثنیٰ حاصل کرنے کی درخواستیں منظور کی جاتی ہیں۔