بالی ووڈ اسٹارز دیپیکا پڈوکون، شاہ رخ خان اور سنجے دت جلد ہی نئی آنے والی فلم ’جوان‘ میں ایک ساتھ دکھائی دیں گے۔
بھارتی اداکار شاہ رخ خان ان دنوں اپنی نئی آنے والی فلم ’جوان‘ کی شوٹنگ میں مصروف ہیں جو تکمیل کے آخری مراحل میں ہے۔
فلم کے شیڈول کے مطابق شوٹنگ مکمل ہونے میں 10 سے 12 دن رہ گئے ہیں۔ آخری مرحلے میں سنجے دت ایکشن سے بھرپور سیکونس کے لیے جوائن کرنے جا رہے ہیں۔
سنجے دت اور شاہ رخ خان اس فلم میں ایک مختصر دورانیہ کے لیے دوبارہ اکھٹے ہونے جا رہے ہیں۔
دونوں اسٹارز 4 سے 5 دنوں تک ایک ساتھ شوٹنگ کریں گے۔
دلچسپ بات یہ ہے کہ شاہ رخ خان اور سنجے دت نے کبھی بھی ایک ساتھ مکمل فلم نہیں کی ہے۔ دونوں نے مختصر لمحات کے لیے مختلف فلمز میں کام کیا ہے۔
میڈیا رپورٹس کے مطابق بھارتی اداکارہ دیپیکا پڈوکون 27 اور 28 مارچ کو دو روزہ شوٹنگ کے لیے فلم ’جوان‘ میں شامل ہوں گی۔
رپورٹس کے مطابق فلم کی شوٹنگ 10 اپریل کو مکمل کر لی جائے گی جبکہ ریلیز کی تاریخ جون اور ستمبر کے درمیان طے کی جائے گی۔
رپورٹس کے مطابق فلم ’جوان‘ کی شوٹنگ مکمل ہونے کے بعد شاہ رخ خان سلمان خان کی نئی آنے والی فلم ’ٹائیگر 3‘ کی شوٹنگ کا آغاز کریں گے
