پاک بحریہ اور پاکستان میری ٹائم سیکیورٹی ایجنسی نے سمندر میں منشیات کی بڑی کھیپ پکڑ لی۔
پاک فوج کے شعبہ تعلقات عامہ (آئی ایس پی آر) کے مطابق مشترکہ انسداد منشیات آپریشن میں شمالی بحیرہ عرب میں بڑی مقدار میں منشیات ضبط کی گئی۔
مزید پڑھیں
آئی ایس پی آر نے بتایا کہ ضبط کی جانے والی منشیات کی بین الاقوامی مارکیٹ میں قیمت ہزاروں ڈالرز ہے۔
شعبہ تعلقات عامہ کے مطابق گزشتہ 10 روز میں پاک بحریہ کی منشیات اسمگلنگ کے خلاف یہ تیسری بڑی کارروائی ہے۔
’پاک بحریہ اور پاکستان میری ٹائم سیکیورٹی ایجنسی سمندری راستوں کی کڑی نگرانی کے لیے مستقل موجودگی برقرار رکھے ہوئے ہیں‘۔
آئی ایس پی آر کے مطابق کامیاب مشترکہ انسداد منشیات آپریشن پاک بحریہ اور پاکستان میری ٹائم سیکیورٹی ایجنسی کا سمندر میں مؤثر نگرانی کا نتیجہ ہے۔