’ماں کا دودھ ہی بچے کی اصل طاقت‘: کراچی میں پہلا ہیومن مِلک بینک قائم کر دیا گیا

ہفتہ 8 جون 2024
icon-facebook icon-twitter icon-whatsapp

وزیر صحت سندھ نے شرعی اصولوں پر مبنی پاکستان کے پہلے ہیومن مِلک بینک کا افتتاح کردیا ہے

صوبائی وزیر صحت سندھ ڈاکٹرعذرا پچوہو نے ہفتہ کے روز سندھ انسٹیٹیوٹ آف چائلڈ ہیلتھ اینڈ نیونیٹالوجی کراچی میں پاکستان کے پہلے شرعی اصولوں پر مبنی ہیومن ملک بینک (رضاعی ماؤں کے دودھ بینک) اورارلی چائلڈ ہڈ سینٹر کا افتتاع کر دیا۔

پاکستان کا پہلا شرعی اصولوں پر مبنی ہیومن ملک بینک یونیسیف کے تعاون سے سندھ انسٹیٹیوٹ آف نیونیٹولوجی، کورنگی کراچی میں قائم کیا گیا ہے جہاں سے ان بچوں کو رضائی ماؤں کا دودھ فراہم کیا جائے گا جنہیں قدرتی طور پر ماں کا دودھ کسی بھی وجہ سے دستیاب نہیں ہوتا۔

افتتاحی تقریب سے خطاب کرتے ہوئے صوبائی وزیر صحت ڈاکٹرعذرا پیچوہو کا کہنا تھا کہ سندھ انسٹیٹیوٹ آف چائلڈ ہیلتھ اینڈ نیونیٹولوجی کراچی میں ہیومن ملک بینک کا قیام ایک قابل قدر اقدام ہے، ماں کا دودھ بچے کو بہترین غذائیت اور نشونما فراہم کرتا ہے اور اسے بیماریوں سے لڑنے کے لیے ضروری قوت مدافعت بھی فراہم کرتا ہے۔

ان کا کہنا تھا کہ وہ مائیں جو اپنے بچوں کو دودھ پلا سکتی ہیں انہیں پیدائش کے پہلے 6 ماہ  تک اپنے دودھ کے علاوہ کوئی بھی چیز بشمول پانی بھی بچے کو نہیں دینا چاہیے۔

تقریب میں یونیسیف پاکستان کے نمائندے عبداللہ فاضل بھی موجود تھے جنہوں نے پاکستان کے مزید اسپتالوں میں اس طرح کے مزید ہیومن ملک بینک تعمیر کرنے کے لیے یونیسف کی تکنیکی اور مالی معاونت کی پیشکش کرتے ہوئے کہا کہ پاکستان کا پہلا ہیومن ملک بینک بریسٹ فیڈنگ کے حوالے سے ماؤں میں مزید شعور پیدا کرنے میں معاون ثابت ہوگا۔

سندھ انسٹیٹیوٹ آف چائلڈ ہیلتھ اینڈ نیو نیٹالوجی کراچی کے ایگزیکٹو ڈائریکٹر پروفیسر جمال رضا نے ماں کے دودھ کو ’ اصلی فاسٹ فوڈ‘ قرار دیتے ہوئے کہا کہ ماں کا دودھ بچے کو وہ تمام ضروری غذائیت، صحت مند اجزاء اور بیماری سے لڑنے کی طاقت فراہم کرتا ہے جو ایک نومولود بچے کی فوری ضرورت ہوتی ہے۔

ان کا کہنا تھا کہ ان کا ادارہ نہ صرف بیمار بچوں کا علاج کر رہا ہے بلکہ ان کی کوشش ہے کہ وہ بچوں کو بیماریوں سے بچانے کے لیے ماں کے دودھ کی اہمیت اور ویکسینیشن کی ضرورت کے حوالے سے مسلسل اگاہی بھی فراہم کریں۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

ٹویوٹا کا پاکستان میں تیار کی گئی گاڑیاں یورپی ممالک کو برآمد کرنے کا اعلان

مویشی منڈیوں کے علاوہ جانور کہیں فروخت نہیں ہوں گے، پنجاب بھر میں دفعہ 144 نافذ

چیف جسٹس لاہور ہائیکورٹ نے مزید 6 الیکشن ٹربیونلز تشکیل دیدیے

پاکستان ریلوے نے عید الاضحیٰ کی خصوصی ٹرینوں کا شیڈول جاری کر دیا

وفاقی وزیر مذہبی امور کا عازمین حج کی رہائش گاہوں اور ہسپتال کا دورہ، پاکستان کے لیے دعاؤں کی درخواست

ویڈیو

ڈیجیٹل ڈرائیونگ سینٹر جہاں پر سمولیٹر کے ذریعے خواتین کو ڈرائیونگ سکھائی جاتی ہے

وفاقی اور پنجاب حکومت میں شامل ہونے کا ابھی تک اشارہ نہیں ملا، رہنما پیپلزپارٹی حسن مرتضیٰ

بالی ووڈ اسٹار شاہ رخ خان کے لیے عید قربان پر پشاوری چیل کا خصوصی تحفہ

کالم / تجزیہ

’آپ مہدی حسن جیسی آواز کہاں سے لائیں گے‘

کیا سرجری کی ضرورت صرف کرکٹ ٹیم کو ہے؟

پاک بھارت میچ کا آنکھوں دیکھا حال!