بھارت نے روایت براقرار رکھتے ہوئے ٹی20 ورلڈکپ میں پاکستان کو 6 رنز سے شکست دے دی۔ انڈیا کے 119 رنز کے تعاقب میں پاکستان 7 وکٹوں کے نقصان پر صرف 113 رنز ہی بنا سکا۔
پاکستان اس سے قبل ورلڈ کپ کے اپنے پہلے میچ میں امریکا کے ہاتھوں تاریخی عبرتناک شکست سے دوچار ہوچکا ہے، یہی وجہ ہے کہ پاکستانی ٹیم کے لیے سپر 8 مرحلے میں رسائی حاصل کرنا اب خاصا مشکل نطر آتا ہے۔
پاکستان کو شکست دینے کے بعد بھارت گروپ اے میں 4 پوائنٹس کے ساتھ پہلے نمبر پر جبکہ پاکستان ٹیم پوائنٹس ٹیبل پر چوتھے نمبر پر ہے۔ ٹورنامنٹ میں اپنے 2 میچ ہارنے کے بعد پاکستانی ٹیم سپر 8 راؤنڈ میں جانے کے لیے ایک مرتبہ پھر سے دوسری ٹیموں پر انحصار کرنے لگی ہے۔
ٹی20 ورلڈ کپ کے اہم میچ میں انڈیا سے جیتا ہوا میچ ہارنے پر شائقین کرکٹ شدید غصے میں نظر آئے، شائقین کا کہنا تھا کہ بولرز نے اچھی کارکردگی دکھائی انڈیا سے شکست کی ذمہ دار بیٹنگ لائن ہے۔
صحافی محمد حسن رضا نے پاکستانی ٹیم کی کارکردگی پر تبصرہ کرتے ہوئے لکھا کہ جیتا ہوا میچ ہارنا کوئی ہم سے سیکھے۔
جیتا ہوا میچ ہارنا کوئی ہم سے سیکھے 😳
— Muhammad Hasan Raza محمد حسن رضا (@HasanRazaLhr) June 9, 2024
صحافی عاصمہ شیرازی لکھتی ہیں کہ ذہنی طور پر شکست قبول کر لی جائے تو فتح بھی شکست میں بدل جاتی ہے۔ ہماری ٹیم ہارنا سیکھ گئی ہے اور جیتنا بھول چُکی ہے ۔ انہیں دباؤ سے بچنے کے لیے نفسیاتی علاج کی ضرورت ہے۔
ذہنی طور پر شکست قبول کر لی جائے تو فتح بھی شکست میں بدل جاتی ہے۔ ہماری ٹیم ہارنا سیکھ گئی ہے اور جیتنا بھول چُکی ہے ۔ انہیں دباؤ سے بچنے کے لئے نفسیاتی علاج کی ضرورت ہے ۔ #PakvsIndia
— Asma Shirazi (@asmashirazi) June 9, 2024
پاکستانیوں کو مخاطب کرتے ہوئے رضا بٹ نے طنزاً لکھا کہ ٹیم تو ہمیشہ کی طرح وڑ گئی ہے اب ان سے صرف ماڈلنگ اور شاپنگ کروائی جاسکتی ہے۔
پاکستانیو! ٹیم تو ہمیشہ کی طرح وڑ گئی
ان سے صرف ماڈلنگ کروالیں اور شاپنگ کروالیں🖐️— Raza Butt 🎙️ (@SocialDigitally) June 9, 2024
سابق کپتان سلیم ملک نے عماد وسیم کو جان بوجھ کر میچ ہرانے کا ذمہ قرار دیتے ہوئے کہا کہ انہوں نے آؤٹ ہوئے بغیراس بات کو یقینی بنایا کہ ایوریج بھی بڑھتا رہے۔ اگر بطور بلے باز اسکور نہیں ہو رہا تو آؤٹ ہونے کے بجائے پورا اوور ضائع کرتا تھا۔
"آؤٹ بھی نہیں ہوا، ایوریج بھی بڑھاتا رہا" عماد وسیم نے جان بوجھ کر میچ ہروایا، سلیم ملک کا انکشاف۔۔۔!!!#PakvsInd pic.twitter.com/gT92IJoo8Z
— Mughees Ali (@mugheesali81) June 9, 2024
حیدر علی نامی صارف نے ایک ویڈیو شیئر کی جس میں شائقین کرکٹ کا کہنا تھا کہ فارم 47 کے مطابق یہ میچ پاکستان نے جیتا ہے۔
" فارم 47 کے مطابق پاکستان نے جیتا ہے یہ میچ " 🤭🤭
پاکستانی قوم اب بڑی باشعور ہوچکی ہے لیکن ساتھ ساتھ بڑی شرارتی بھی ہے 😋😆#t20USA#INDvsPAK #PakvsInd pic.twitter.com/e9MUZL4JEa
— Haider Ali (@Haider4PTI) June 9, 2024
ڈیجی فیوژن نامی ایک صارف نے لکھا کہ اس طرح کا میچ ہارنے کے لیے خصوصی کوشش درکار ہوتی ہے لیکن پاکستان نے کسی طرح یہ کارنامہ انجام دے ہی دیا۔
It took a special effort to lose a match like this, yet Pakistan managed it. 🙄#Unbelievable#PakvsInd #INDvsPAK pic.twitter.com/Z2gn1Dh1G7
— Digi Fusion (@DigiFusion24) June 9, 2024
صحافی حامد میر نے کہا کہ انڈیا سے میچ ہارنے کے بعد عماد وسیم، شاداب خان اور افتخار احمد سے بلا واپس لے لینا چاہیے۔
ان سب سے بھی بلا واپس لے لینا چاہئیے pic.twitter.com/jI3fmr5M15
— Hamid Mir حامد میر (@HamidMirPAK) June 9, 2024
بھارت سے بری طرح شکست کے بعد کپتان بابر اعظم نے کہا کہ بیٹرز نے اچھا پرفارم نہیں کیا، لاپرواہی اور غفلت کی وجہ سے جیتا ہوا میچ ہارے ہیں۔ چیئرمین پاکستان کرکٹ بورڈ محسن نقوی کا کہنا تھا کہ انڈیا سے شکست ہر لحاظ سے مایوس کن تھی، لگتا تھا کہ کرکٹ ٹیم کا چھوٹی سرجری سے کام چل جائے گا لیکن ٹیم میں بڑی سرجری کی ضرورت ہے۔
