پاکستان کرکٹ ٹیم کے سابق بلے باز یونس خان اور پاکستان سُپر لیگ (پی ایس ایل) 9 میں میزبان کی ذمہ داریاں نبھانے والی آسٹریلوی کرکٹ میزبان ایرن ہالینڈ کی ایک دلچسپ ویڈیو سوشل میڈیا پر وائرل ہو رہی ہے
وائرل ویڈیو میں دیکھا جا سکتا ہے کہ یونس خان اور ایرن ہالینڈ ایک سیٹ پر موجود ہیں جہاں ان کے درمیان ایک مقابلہ کرایا جاتا ہے جس میں دونوں کو ایک پاؤں کے سہارے بیٹھ کر توازن برقرار رکھنا ہوتا ہے۔
مقابلے کے دوران یونس خان اپنا جوتا اتار دیتے ہیں اور ایرن ہالینڈ کا جوتا اتارنے کی کوشش بھی کرتے ہیں اسی دوران ایرن اپنا توازن برقرار نہ رکھتے ہوئے گر جاتی ہیں۔
قومی کرکٹ ٹیم کے سابق فاسٹ بولر شعیب اختر نے ویڈیو شیئر کرتے ہوئے لکھا کہ میں ان دونوں ایتھلیٹس یونس خان اور ایرن ہالینڈ سے حسد کرنے لگا ہوں۔
I am so jealous of these athletic people @erinvholland & @YounusK75 . pic.twitter.com/orrHJO4vNT
— Shoaib Akhtar (@shoaib100mph) June 11, 2024
ویڈیو پر صارفین کی جانب سے مختلف تبصرے کیے جا رہے ہیں چند صارفین یونس خان کی فٹنس کی تعریف کرتے نظر آئے تو کسی نے ان کو پاکستانی ٹیم کے کھلاڑیوں سے بہتر قرار دیا۔
ایک صارف نے کہا کہ یونس خان موجودہ پاکستانی کرکٹ ٹیم کے تمام کھلاڑیوں سے زیادہ فٹ ہیں۔
Younis Khan's fitness at 46 is miles >>>>>ahead>>>>>> of entire current lot of Pakistani national cricket team 😭😂🤣
— Anant Kashyap (@theanantkashyap) June 11, 2024
ایک ایکس صارف نے یونس خان سے درخواست کی کہ قومی ٹیم کے وکٹ کیپر بلے باز اعظم خان کو بھی ٹریننگ دیں۔
Azam khan ko thoda fitnes training do yunus bhai
— Animal (@Win20192) June 12, 2024
فیضان جاوید لکھتے ہیں کہ یونس خان ابھی بھی ٹی20 انٹرنیشنل کھیل سکتے ہیں۔
Younis Khan can still play international T20
— Faizan Javed 💻 (@faizanj) June 11, 2024
جہاں کئی صارفین یونس خان کی فٹنس کے بارے میں بات کر رہے تھے وہیں چند صارفین ایرن ہالینڈ کی خوبصورتی کی تعریف کرتے بھی نظر آئے۔
