آسٹریلوی فاسٹ بولر پیٹ کمنز نے ٹی 20 ورلڈکپ 2024 کی پہلی ہیٹرک کرلی ہے۔
مزید پڑھیں
پیٹ کمنز ٹی 20 ورلڈ کپ میں ہیٹرک کرنے والے مجموعی طور پر ساتویں اور بریٹ لی کے بعد دوسرے آسٹریلوی بولر بن گئے ہیں،انہوں نے ٹی 20 ورلڈ کپ 2024 کے سپر ایٹ مرحلے میں بنگلادیش کے خلاف میچ میں یہ کارنامہ انجام دیا۔
پیٹ کمنز نے اپنے تیسرے اوور کی آخری 2 گیندوں پر بالترتیب محمود اللہ اور مہدی حسن کی وکٹیں حاصل کیں اور چوتھے اوور کی پہلی گیند پر توحید ہردوئے کی وکٹ حاصل کرکے ہیٹرک کی۔
خیال رہے کہ یہ امریکا اور ویسٹ انڈیز میں جاری ٹی ٹوئنٹی ورلڈکپ میں کسی بھی بولر کی جانب سے پہلی ہیٹرک ہے ۔
ٹی 20 ورلڈکپ میں سب سے پہلی ہیٹرک کرنے کا اعزاز آسٹریلیا کے بریٹ لی کے پاس ہے جنہوں نے اس فارمیٹ کے 2007 میں کھیلے گئے اولین ایونٹ میں بنگلادیش کے خلاف ہی یہ کارنام سرانجام دیا تھا۔
