چیئرمین پاکستان پیپلزپارٹی (پی پی پی) بلاول بھٹو زرداری نے کہا ہے کہ پاکستان اور افغانستان کو آپس کے معاملات حل کرنے چاہییں، یہ دونوں ملکوں کے مفاد میں ہے۔
پشاور میں پریس کانفرنس کے دوران ایک سوال کے جواب میں انہوں نے کہاکہ میں اگر وزیر خارجہ رہتا تو کابل کا دورہ ضرور کرتا لیکن مسائل ہمیشہ سفارتی سطح پر بات چیت کے ذریعے ہی حل ہوتے ہیں۔
یہ بھی پڑھیں جنرل ( ر ) باجوہ اور فیض حمید نے آئین توڑا؟ شاہد خاقان عباسی کا نیا موقف سامنے آگیا
بلاول بھٹو نے بات کو جاری رکھتے ہوئے کہاکہ آپ کو یاد ہوگا افغانستان میں ایک چائے کا کپ بھی پیا گیا تھا۔
واضح رہے کہ طالبان نے جب افغانستان میں کنٹرول سنبھالا تو اس کے بعد اُس وقت کے ڈی جی آئی ایس آئی جنرل فیض حمید نے کابل کا دورہ کیا تھا، اور وہاں عوامی مقام پر چائے کا کپ ہاتھ میں اٹھائے ان کی تصویر وائرل ہوئی تھی۔
یہ بھی پڑھیں فیض حمید نے تحریک انصاف کی پیٹھ میں چھرا گھونپا، شیر افضل مروت
جنرل فیض حمید کی اس تصویر کو لے کر ملک کے اندر اور باہر خوب تبصرے ہوئے تھے، جبکہ انڈین میڈیا کی جانب سے بھی پاکستان کے خلاف پروپیگنڈا مہم بھی چلائی گئی تھی۔
