کینیڈا میں پہلی بار خاتون نے مسلح افواج کی کمان سنبھال لی

جمعہ 19 جولائی 2024
icon-facebook icon-twitter icon-whatsapp

کینیڈا میں پہلی بار کسی خاتون کو چیف آف ڈیفنس بنایا گیا ہے جس کے بعد وہ ملک کی مسلح افواج کی قیادت کرنے والی پہلی خاتون بن گئی ہیں۔

غیرملکی میڈیا کے مطابق، 56 سالہ جنرل جینی کیریگنن نے جمعرات کو ایک تقریب میں کینیڈا کی چیف آف ڈیفنس اسٹاف کا عہدہ سنبھالا۔ جنرل کیریگنن دنیا کی دوسری آرمی چیف ہیں۔ اس سے پہلے 2018 میں یورپی ملک سلووینیا میں خاتون جنرل الینکا ایرمینچ کو آرمی چیف بننے کا اعزاز حاصل ہوا تھا۔

یہ بھی پڑھیں: بولیویا میں فوجی بغاوت ناکام، باغی آرمی چیف کی گرفتاری پر عوام خوشی سے سڑکوں پر نکل آئی

بطور ملٹری انجینیئر کیریئر کا آغاز کرنے والی کیریگنن کینیڈا کی فوج میں 35 سال خدمات انجام دے چکی ہیں اور اس دوران افغانستان، بوسنیا ہرزیگوینا، عراق اور شام میں فوجیوں کی کمان سنبھال چکی ہیں۔

جنرل کریگنن 4 بچوں کی ماں ہیں اور ان کے 2 بچے بھی کینیڈا کی فوج میں ملازمت کرتے ہیں۔ جنرل کریگنن کو ان کے کیریئر کے دوران خدمات کے اعتراف میں متعدد اعزازات اور تمغوں سے نوازا گیا۔

یہ بھی پڑھیں: روسی آرمی چیف اور سابق وزیردفاع کے وارنٹ گرفتاری جاری

کینیڈا کے دارالحکومت اوٹاوا میں کینیڈین وار میوزیم میں کمان کی تبدیلی کے حوالے سے منعقدہ تقریب سے خطاب کرتے ہوئے جنرل کریگنن نے کہا کہ وہ اس چیلنج کو سنبھالنے کے لیے تیار ہیں۔

انہوں نے کہا، ’یوکرین اور مشرق وسطیٰ میں تنازعات، دنیا کے دیگر حصوں میں بڑھتی ہوئی کشیدگیاں، موسمیاتی تبدیلی، ہمارے فوجیوں کی ملک اور بیرون ملک بڑھتی ہوئی مانگ اور ہماری جمہوری اقدار اور اداروں کو لاحق خطرات وہ بعض پیچیدہ چیلنجز ہیں جن کے لیے ہمیں مطابقت اختیار کرنا ہوگی اور ان کا مقابلہ کرنا ہو گا۔‘

یہ بھی پڑھیں: پاک فوج اور چین کی پیپلز لبریشن آرمی کے درمیان تعلقات مضبوط ہیں، آرمی چیف سید عاصم منیر

جنرل کیریگنن نے سابق جنرل وین ایئر کی جگہ فوج کی کمان سنبھالی ہے۔ جنرل وین ایئر 2021 سے بطور چیف آف ڈیفنس خدمات انجام دے رہے تھے۔ اعلیٰ فوجی کمان کی تبدیلی ایسے موقع پر کی گئی ہے جب کینیڈا کی حکومت نے دفاعی اخراجات میں اضافے اور مسلح افواج کو جدید بنانے کا ارادہ ظاہر کیا ہے۔

گزشتہ ہفتے وزیر اعظم جسٹن ٹروڈو نے اعلان کیا تھا کہ ان کی حکومت کا ارادہ ہے کہ 2032 تک نیٹو کے دفاعی اخراجات کے ہدف کو مجموعی قومی پیداوار کے 2 فیصد تک لایا جائے۔ حکومتی اندازوں کے مطابق، 25-2024 کے مالی سال میں کینیڈا کے دفاعی اخراجات جی ڈی پی کا 1.39 فیصد ہوں گے۔

واضح رہے کہ 2015 میں وزیراعظم بننے کے بعد جسٹن ٹروڈو نے کینیڈا میں صنفی مساوات پر مبنی پالیسیوں کو اختیار کیا۔ 2018 میں انہوں نے ایک خاتون کو رائل کینیڈین ماؤنٹڈ پولیس کا سربراہ مقرر کیا تھا۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

13 نومبر کو دنیا ختم ہونے کی پیشگوئی ناکام، سنہ 1960 کے سائنس دانوں کا حساب کہاں غلط ہوا؟

پیٹرول اور ڈیزل مزید سستے، حکومت نے مسلسل 10ویں بار قیمتیں کم کر دیں

فرانس میں طلبا احتجاج بے قابو، حکومت نے آتش بازی اور پٹاخوں پر ملک گیر پابندی لگا دی

فریال تالپور کا بلاول بھٹو کو شادی کرلینے کا مشورہ، ’چاہیں تو ہماری ورنہ اپنی پسند کی ہی کرلیں‘

سلمان اکرم راجا کی بات کو اہمیت نہیں دیتا، انہیں اخلاقی جرات ہے تو عہدے سے استعفیٰ دیں، لطیف کھوسہ

ویڈیو

دیہات کا نمبرداری نظام اختیارات ملنے پر پاکستان کا رخ بدل سکتا ہے

اقتصادی تعاون تنظیم کے وزرائے خارجہ کے اجلاس کا آغاز، رکن ممالک کے اہم وفود کی اسلام آباد آمد

لودھراں: دریائے ستلج پل سے محروم، جدید دور میں بھی شہری جان پر کھیل کر کشتیوں کے ذریعے سفر پر مجبور

کالم / تجزیہ

بھارتی ٹیم جیت گئی، بھارتی سوچ ہار گئی

ڈیل ہو جائے گی؟

یمن کے حوثی اب مسلم امہ کے لیے ناسور بن چکے ہیں