پاکستان پیپلز پارٹی نے صدر مملکت آصف علی زرداری کی سالگرہ کے موقع پر مینار پاکستان پر جشن منانے کا فیصلہ کیا ہے۔ پاکستان پیپلز پارٹی کی جانب سے جاری اعلامیے میں کہا گیا ہے کہ 26 جولائی کو آصف زرداری کی 69 ویں سالگرہ کو پیپلز پارٹی ’پریذیڈنٹ ڈے آف پاکستان‘ کے طور پر منائے گی۔
ذرائع کے مطابق 25 جولائی کو لاہور میں 2بڑے ایونٹ رکھے گئے ہیں۔ ایک تقریب گورنر ہاؤس میں ہوگی جس کے مہمان خصوصی سابق وزیراعظم پاکستان اور پیپلز پارٹی سینٹرل پنجاب کے صدر راجہ پرویز اشرف ہوں گے جبکہ دوسری تقریب مینار پاکستان پر منعقد کی جائے گی جو پیپلز پارٹی کے ٹکٹ ہولڈر فیصل میر کی جانب سے رکھی گئی ہے۔
اس تقریب میں گلوکارہ نمرہ مہرہ اور ساحر علی بگا تقریب پر سحر طاری کریں گے اور سالگرہ کی تقریب سے راجہ پرویز اشرف خطاب کریں گے۔ اس کے علاوہ رات 12بجے آتش بازی کا مظاہرہ کیا جائے گا اور تقریب کے آخر میں پریذیڈنٹ ڈے آف پاکستان کا کیک بھی کاٹا جائے گا۔
صدرمملکت آصف علی زرداری کی 25جولائی کی رات 69ویں سالگرہ پریزیڈنٹ ڈےپر رہنما پیپلزپارٹی فیصل میرکی جانب شاندار رنگا رنگ تقریب میں گلوکارساحر علی بگا ،نمرہ مہرہ عائشہ جہانزیب پرفارم کریں گی
صدر پیپلز پارٹی وسطی پنجاب راجہ پرویز اشرف تقریب سے خطاب کریں گے@BBhuttoZardari @RPAPPP pic.twitter.com/iXR6QElvHD— PPP Punjab (@PPPPunjabSM1) July 22, 2024
پاکستان پیپلز پارٹی کے اس اقدام کو صارفین کی جانب سے شدید تنقید کا نشانہ بنایا جا رہا ہے، صارفین کا کہنا ہے کہ یہ آخر کس چیز کی خوشی منا رہے ہیں کیا ایسے اقدامات سے غریبوں کا مذاق اڑایا جا رہا ہے۔
فرح نامی صارف نے کہا کہ بجلی کے بل عوام پر بم بن کر گر رہے ہیں اور یہاں پیپلز پارٹی کی جانب سے میوزیکل ایوننگ منائی جائے گی۔ انہوں نے سوال کیا کہ لوگوں کے زخموں پر نمک کیوں چھڑک رہے ہیں؟ یہ رقم ان مستحق لوگوں کو دے دیں جو اس وقت بہت پریشان ہیں۔ ساتھ ہی انہوں نے طنزاً کہا کہ پیپلز پارٹی کے اس اقدام پر انہیں تمغہ حسن کارکردگی ملنا چاہیے۔
ماشاءاللہ اس پر تو تمغہ حسن کارکردگی بنتا ہے۔ عوام رل گئی بجلی کے بل بم بن کر گر رہے ہیں اور یہاں میوزیکل ایوننگ منائی جائے گی۔ لوگوں کے زخموں پر نمک کیوں چھڑک رہے ہیں جناب؟ یہ رقم ان مستحق لوگوں کو دے دیں جو اس وقت بہت پریشان ہیں۔
کچھ عقل کا استعمال کرلیں وقت ملے تو۔
شکریہ 🙏 https://t.co/MxecvoVxiX— فرح (@FarahZulqurnain) July 22, 2024
ایک صارف نے تنقید کرتے ہوئے کہا کہ جب سیاسی جماعتیں اپنے نظریات بھول جائیں اور لیڈروں کے پاس قوم کو بتانے کے لیے کچھ نہ ہو، تو نظریاتی بحث کی بجائے گانے بجائے جاتے ہیں، صارف نے تنقید کرتے ہوئے کہا کہ اب پیپلزپارٹی اور پی ٹی آئی میں کیا فرق رہ جائے گا۔
جب پارٹیاں اپنے نظریات بھول جائیں، جب لیڈران کے پاس قوم کو بتانے کیلئے کچھ نہ ہو، تو سٹڈی سرکلز یا نظریاتی بحثیں نہیں سٹیج لگا کر گانے بجائے جاتے ہیں۔
اب PPP اور PTI میں کیا فرق رہ جائے گا؟؟؟کاش زرداری صاحب ان لوگوں سے کہیں کہ کم از کم اس شو میں ہی ایک گھنٹہ نظریاتی گفتگو ہو گی https://t.co/e07d78c3AG— Meer Imran Shah (@MeerImranShah) July 22, 2024
ایک ایکس صارف کا کہنا تھا کہ اندازہ لگا لیں کہ کس طرح یہ لوگ غریبوں کا مذاق بنا رہے ہیں آخر انہیں کس بات کی خوشی ہے۔ انہوں نے تنقید کرتے ہوئے کہا کہ یہ اپنے عہدے کا غلط استعمال کر رہے ہیں۔
اندازہ لگا لے کس طرح یہ لوگ غریبوں کا مزاق بنا رہے ہیں۔
کرپشن اور عہدے کا غلط استعمال۔سالگرہ منا رہے ہیں کس بات کی خوشی ہیں۔ پاکستانی عوام سے پوچھو کون کون ان کی سولگرہ کے لیے خوش ہیں؟ لوگ ان کے مرنے کی دن رات دعا کرتے ہیں https://t.co/9Don4LsI8a
— Ideology Observer (@Lodhi6666) July 22, 2024
