فٹبال ورلڈ کپ 2034 کے اب تک کے سب سے بڑے ایڈیشن کی میزبانی کے لیے سعودی عرب نے اسٹیڈیمز کی تعمیر کے لیے تیاریاں شروع کردی ہیں۔ اس سلسلے میں سعودی عرب نے سرکاری بولی میں 5 شہروں کو میزبانی کے لیے پیش کیا ہے۔
سعودی گزٹ کے مطابق سعودی عرب نے فیفا ورلڈ کپ 2034 کے لیے 15 اسٹیڈیم تعمیر کرنے کا منصوبہ تیار کیا ہے، فیفا فٹبال ورلڈ کپ کے لیے انہوں نے جن شہروں کا انتخاب کیا ہے، ان میں ریاض، جدہ، الخوبر، ابھا اور نیوم شامل ہیں۔ افتتاحی اور اختتامی میچ ریاض کے کنگ سلمان اسٹیڈیم میں ہوں گے۔
مزید پڑھیں: 2034 کے فٹبال ورلڈ کپ کی میزبانی، سعودی عرب نے نامزدگی فائل پیش کردی
فیڈریشن آف انٹرنیشنل فٹبال ایسوسی ایشن (فیفا) کو دی گئی بولی کی تجاویز کے مطابق مذکورہ 5شہروں میں 15 جدید اسٹیڈیم میں ورلڈ کپ کے مقابلے منعقد کیے جائیں گے۔ 4پرانے اسٹیڈیمز کے ساتھ 11 نئے اسٹیڈیمز بنائے جائیں گے، جہاں 48 ٹیموں کے درمیان مقابلے منعقد کرائے جائیں گے۔
View this post on Instagram
اس موقع پر سعودی وزیر کھیل اور سعودی اولمپک اور پیرالمپکس کمیٹی کے صدر شہزادہ عبدالعزیز بن ترکی الفیصل نے کہا کہ ہم مل کر فیفا ورلڈ کپ کی میزبانی کے سعودی عرب کے خواب کو عملی جامہ پہنانے کے لیے کام کر رہے ہیں۔
The @saudi2034bid invites the world to join us on our journey of remarkable transformation as the home of global sport 🇸🇦⚽️#Saudi2034bid#GrowingTogether https://t.co/nAtQIiXsUG
— Cristiano Ronaldo (@Cristiano) July 31, 2024
کرسٹیانو رونالڈو نے بھی سوشل میڈیا سائٹ ایکس پر بولی سے متعلق پروموشنل ویڈیو پر تبصرہ کرتے ہوئے لکھا کہ سعودی بولی دنیا کو دعوت دیتی ہے کہ وہ عالمی کھیل کے گھر کے طور پر نمایاں تبدیلی کے ہمارے سفر میں ہمارے ساتھ شامل ہوں۔
یہ بھی پڑھیں: فٹبال میچوں کے شیڈول میں نماز کے اوقات کا خیال رکھا جائے، شہزادہ محمد بن سلمان کی سعودی وزیر کھیل کو ہدایت
واضح رہے اسٹیڈیمز کی تعمیر کے علاوہ میزبانی کے منصوبے میں تربیتی کیمپوں کے لیے 10 دیگر مقامات شامل ہیں۔ اس کے علاوہ سعودی عرب کے پاس 5میزبان شہروں میں فیفا کی ضروریات کو پورا کرتے ہوئے 2لاکھ 30ہزار کمرے ہوں گے۔ 15 شہروں میں کل 132 تربیتی مقامات تجویز کیے گئے ہیں جن میں بیس کیمپ ٹریننگ سائٹس کے لیے 72 اسٹیڈیم شامل ہیں۔
