پاک فوج اور ایف ڈبلیو او کی جانب سے مہانڈری کے مقام پر تباہ شدہ پل دوبارہ تعمیر کردیا گیا ہے۔ ٹریفک کی روانی بحال، پاک آرمی نے پل کی تعمیر کے لیے مطلوبہ سامان فراہم کیا۔
ملکی دفاع ہو یا تعمیر و ترقی کا مشن، پاک فوج ہمشیہ پیش پیش رہی۔ حال ہی میں ناران ، کاغان روڈ پر مہانڈری کے مقام پر تباہ شدہ پل کی دوبارہ تعمیر کا کام مکمل کرلیا گیا ہے۔ ایف ڈبلیو او نے پل دوبارہ تعمیر کرکے ہر طرح کی ٹریفک کے لیے کھول دیا ہے۔
مزید پڑھیں:عارضی پل: مہانڈری بازار میں پیدل سفر کرنے والوں کے لیے راستہ بحال
مہانڈری پل تباہ ہونے کی وجہ سے علاقہ مکین اور سیاحوں کو شدید پریشانی کا سامنا کرنا پڑا۔ حالت کی سنگینی کے پیش نظر، این ایچ اے اور ایف ڈبلیواو نے پل کی تعمیر ہنگامی بنیادوں پر کرنے کا فیصلہ کیا۔ پاک آرمی نے پل کی تعمیر کے لیے سامان فراہم کیا۔ ایف ڈبلیو او کی مشینری اور افرادی قوت شب و روز مصروف عمل رہی۔
یاد رہے کہ مہانڈری پل گزشتہ ماہ 30 جولائی کو سیلابی ریلے کی وجہ سے مکمل طور پر تباہ ہو گیا تھا۔ جس کی وجہ سے مانسہرہ، کاغان، ناران اور بابوسر روڈ ہر طرح کی ٹریفک کے لیے بند ہو گئی تھی۔
