وفاقی وزیر امور کشمیر و سیفران امیر مقام نے کہا ہے کہ وزیراعلیٰ پنجاب مریم نواز کی کارکردگی حیران کن ہے، وہ ہر شعبے پر توجہ دے رہی ہیں، جبکہ خیبرپختونخوا میں کرپشن کے سوا کچھ نہیں ہورہا۔
یہ بھی پڑھیں آج بھی کے پی اسمبلی میں سب سے بڑی جماعت مسلم لیگ ن ہے، وفاقی وزیر امیر مقام
وفاقی وزیر نے پریس کانفرنس کرتے ہوئے کہاکہ خیبرپختونخوا حکومت نے عوام کے لیے کوئی منصوبہ شروع نہیں کیا، ان کے پاس عوام کو کارکردگی دکھانے کے لیے کچھ نہیں۔
انہوں نے کہاکہ کے پی حکومت کے علاوہ دیگر تمام صوبائی حکومتیں اپنے عوام کے لیے کام کررہی ہیں، بلوچستان میں ٹیوب ویل شمسی توانائی پر منتقل ہورہے ہیں، جبکہ سندھ میں سیلاب متاثرین کی بحالی کے لیے کام ہورہا ہے۔
وزیر امور کشمیر نے کہاکہ دہشتگردی کی جنگ میں پاکستان کو نقصان پہنچا، آرمی چیف نے حال ہی میں کاکول میں کیے گئے اپنے خطاب میں خیبرپختونخوا کے عوام کی قربانیوں کا ذکر کیا۔
یہ بھی پڑھیں عمران خان نے فوج کو عالمی سطح پر بدنام کیا، معاف کرنا ملک کے ساتھ انصاف نہیں ہوگا، وزیر امور کشمیر امیر مقام
انہوں نے کہاکہ دہشتگردی کے خلاف پوری قوم نے قربانیاں دیں، ہم کسی بھی صورت پاکستان کا جھنڈا گرنے نہیں دیں گے۔
