پاکستانی خوبرو معروف اداکارہ ثنا جاوید اور کرکٹر شعیب ملک آج کل بیرونِ ملک سیر سپاٹوں میں مصروف ہیں۔ فوٹو اینڈ ویڈیو شیئرنگ ایپ انسٹاگرام پر اداکارہ ثنا اور شعیب ملک نے سوئٹزرلینڈ کے دلکش مقامات سے خوبصورت تصویریں شیئر کی ہیں۔
ان تصاویر میں ثنا جاوید اور شعیب ملک کو قدرت کے نظاروں سے لطف اندوز ہوتے ہوئے دیکھا جاسکتا ہے، اداکارہ نے شوہر کے ہمراہ تصاویر شیئر کرتے ہوئے کیپشن میں لکھا ’ایک ساتھ‘ اور ساتھ دل والا ایموجی بھی بنایا ہے۔
View this post on Instagram
تصاویر میں ثنا جاوید کو سفید ٹاپ اور جینز جبکہ شعیب ملک کو سفید رنگ کے شارٹس میں دیکھا جا سکتا ہے۔ سوئٹزرلینڈ کے خوبصورت مقامات پر لی گئی تصاویر میں شعیب اور ثنا بہت خوش نظر آرہے ہیں۔
یاد رہے کہ رواں برس شادی کے بندھن میں بندھنے والی یہ جوڑی لائم لائٹ میں آ گئی ہے اور ان پر صارفین کی جانب سے بے حد تنقید کی جاتی ہے۔
