لاہور میں جوڈیشل مجسٹریٹ کی عدالت نے برطانیہ میں فیک نیوز سے فسادات کے کیس میں گرفتار ملزم فرحان آصف کو بری کردیا۔ بری ہونے پر فرحان آصف کی عدالت میں ہی ہتھکڑی کھول دی گئی۔
بڑی خبر۔۔
ضلع کچہری لاہوربرطانیہ میں فیک خبر سے ہنگاموں کا معاملہ،،،عدالت نے فرحان آصف کو مقدمے سے ڈسچارج کردیا،،،،عدالت نے فرحان آصف کی ہتھکڑی کھولنے کا حکم دے دیا،،عدالتی حکم پر فرحان آصف کی ہتھکڑی کمرہ عدالت میں کھول دی گی،،جوڈیشل مجسٹریٹ نے ایف آئی اے کی استدعا پر فیصلہ سنا… pic.twitter.com/VgFTqHlHJD— Shakir Mehmood Awan (@ShakirAwan88) August 26, 2024
سماعت کے دوران تفتیشی افسر نے بتایا کہ مذکورہ فیک نیوز ملزم فرحان کی جانب سے شیئر کی جانے سے پہلے ہی پھیل چکی تھی۔ اس حوالے سے تحقیقات کی گئیں لیکن ملزم کے خلاف کوئی ثبوت نہیں ملا۔
مزید پڑھیں: فیک نیوز فساد: ملزم فرحان آصف کی اہلیہ اپنے شوہر کے بارے میں کیا کہتی ہیں؟
سماعت کے دوران عدالت نے سوال کیا کہ ملزم نے یہ خبر کس کے ساتھ شیئر کی تھی اور کب ڈیلیٹ کی گئی، جس پر ملزم فرحان آصف نے بتایا کہ ان کی جانب سے 6 گھنٹے بعد اس خبرکو ڈیلیٹ کر دیا گیا تھا۔
کارروائی مکمل ہونے پر عدالت نے ملزم فرحان آصف کی استدعا منظور کردی، اور فرحان آصف کو بری کردیا۔ تاہم، بری ہونے پر عدالت کے اندر ہی ان کی ہتھکڑی کھول دی گئی تھی۔
واضح رہے برطانیہ میں مبینہ طور پر فیک نیوز کے ذریعے فسادات پھیلانے والے فری لانسر فرحان آصف کے خلاف ایف آئی اے سائبر کرائم کی جانب مقدمہ درج کیا گیا تھا، گرفتاری کے بعد ان کو جسمانی ریمانڈ پر ایف آئی کے پاس رکھا گیا، جسمانی ریمانڈ مکمل ہونے پر عدالت میں پیش کیا گیا۔
یہ بھی پڑھیں: برطانیہ میں فسادات: چینل 3 ناؤ کا گرفتار صحافی 4 روزہ ریمانڈ پر ایف آئی اے کے حوالے
تاہم، ایف آئی کی جانب سے ملزم کو عدالت میں پیش کیا گیا اور عدم ثبوت کی بنا پر عدالت نے ملزم فرحان آصف کو آج بری کردیا۔
