وزیراعظم پاکستان کے مشیر برائے سیاسی امور رانا ثنااللہ نے انکشاف کیا ہے کہ پی ٹی آئی کارکنان انہیں واٹس ایپ پر دھمکی آمیز پیغامات بھیجتے ہیں۔
نجی ٹی وی کے پروگرام میں گفتگو کرتے ہوئے مجھے واٹس ایپ پر مختلف ویڈیوز بھیج کر کہا جاتا ہے کہ آپ کا وہ حال کریں گے کہ آپ یاد رکھیں گے۔
یہ بھی پڑھیں تحریک انصاف ملکی خودمختاری کے خلاف کام کررہی ہے، رانا ثنااللہ
انہوں نے کہاکہ پی ٹی آئی کا 22 اگست کو اسلام آباد میں ہونے والا جلسہ انتظامی بنیادوں پر منسوخ ہوا تھا، کسی سیاسی شخصیت نے علی امین گنڈاپور سے رابطہ نہیں کیا۔
انہوں نے کہاکہ تحریک انصاف کو کوئی بھی کریکٹر سرٹیفکیٹ دینے کے لیے تیار نہیں، کیونکہ انہوں نے ماضی میں جو کچھ کیا ہے وہ ان کا پیچھا کررہا ہے۔
پروگرام میں گفتگو کرتے ہوئے رانا ثنااللہ کا کہنا تھا کہ عدالتی نظام میں بہت سی تبدیلیاں ہونی چاہییں لیکن ہمارے پاس آئینی ترمیم کے لیے نمبر پورے نہیں۔