ترجمان مذہبی امور کے مطابق حج 2027 کے لیے آن لائن رجسٹریشن کا باقاعدہ آغاز کر دیا گیا ہے، جبکہ پہلے 24 گھنٹوں کے دوران 20 ہزار 124 افراد نے اپنی رجسٹریشن مکمل کرلی۔
ترجمان نے بتایا کہ نیشنل آئی ٹی بورڈ کے تعاون سے حج آپریشن کو پیپر لیس اور اینڈ ٹو اینڈ ڈیجیٹائز کیا جا رہا ہے، جس کے تحت آن لائن پورٹل اور پاک حج موبائل ایپ کے ذریعے رجسٹریشن کا عمل نہایت آسان بنا دیا گیا ہے۔
مزید پڑھیں: حج 2027 رجسٹریشن کا آغاز، فری اندراج لازمی قرار، بیرون ملک پاکستانی بھی درخواست دے سکیں گے
انہوں نے کہا کہ رجسٹریشن کے آغاز کے پہلے 24 گھنٹوں میں 30 ہزار سے زائد صارفین نے آن لائن پورٹل پر اپنے یوزر اکاؤنٹس بھی بنا لیے ہیں۔
ترجمان کے مطابق حج 2027 کی آن لائن رجسٹریشن سرکاری اور نجی دونوں اسکیموں کے عازمین کے لیے لازمی قرار دی گئی ہے۔ درخواست گزاروں کو ہدایت کی گئی ہے کہ وہ رجسٹریشن کے دوران فیملی گروپ تشکیل دیں۔
انہوں نے بتایا کہ پری رجسٹریشن کے لیے ڈیجیٹل تصویر، قومی شناختی کارڈ یا ب فارم کا ہونا ضروری ہے، جبکہ کارآمد پاکستانی پاسپورٹ کی شرط اگلے مرحلے میں لازمی ہوگی۔
حج 2027 کے خواہش مند افراد آن لائن رجسٹریشن کے لیے درج ذیل پورٹل استعمال کر سکتے ہیں:
https://hajj.mora.gov.pk/login?utm_source=chatgpt.com
مزید پڑھیں:حج 2027 رجسٹریشن کا آغاز 22 جون سے ہوگا، وزارت مذہبی امور
ترجمان نے کہا کہ جدید ڈیجیٹل نظام کے ذریعے عازمین حج کو سہولت، شفافیت اور تیز رفتار خدمات کی فراہمی یقینی بنائی جا رہی ہے۔
