پاکستان تحریک انصاف ( پی ٹی آئی) کے سنگجانی کے مقام پرجلسہ عام میں کارکنوں اور عوام کی شرکت کے حوالے سے متضاد دعوے کیے جا رہے ہیں، تحریک انصاف اسے ایک کامیاب پاور شو جبکہ میڈیا، اپوزیشن اور غیر جانبدار حلقے جلسہ کو بری طرح ناکام قراردے رہے ہیں۔
اتوار کو سماجی رابطے کی ویب سائٹ ایکس پر ایک ویڈیوپوسٹس سامنے آئی ہیں جن میں پاکستان تحریک انصاف کے سنگجانی کے جلسہ عام کی فوٹیج دکھائی گئی ہیں۔
سماجی رابطے کی ویب سائٹ ’ایکس‘ پر پاکستان تحریک انصاف ( پی ٹی آئی) کے آفیشل اکاؤنٹ سے شیئر کی گئی فوٹیج میں گاڑیوں کے ایک بڑے قافلے کو جلسہ گاہ کی جانب آتے ہوئے دکھایا گیا ہے، تاہم اس ویڈیو میں جلسہ گاہ کو نہیں دکھایا گیا۔
سینکڑوں گاڑیوں کا قافلہ اسلام آباد کی حدود میں داخل! pic.twitter.com/HnfinLjUcL
— PTI (@PTIofficial) September 8, 2024
اس ویڈیو میں گاڑیوں کے قافلہ کا سڑک کے کنارے کھڑے کارکنوں کی جانب سے استقبال کیا جا رہا ہے، ان ویڈیوز کے بارے میں صارفین کا کہنا ہے کہ یہ جعلی اور پرانی ویڈیوز ہیں جنہیں پی ٹی آئی کی جانب سے سوشل میڈیا پرشیئرکیا جا رہا ہے۔
دوسری جانب سوشل میڈیا پرآزاد اورغیرجانبدارصارفین کی جانب سے بھی ویڈیو شیئرکی جا رہی ہیں، جن میں شام 4 بجے تک کے فوٹیج دکھائے جا رہے ہیں۔
ڈرون کیمروں سے لی گئی فوٹیج میں شام 4 بجے تک کے جلسہ عام کے مناظردکھائے گئے ہیں جن میں دکھا جا سکتا ہے کہ جلسہ گاہ ابھی تک خالی ہے اور اس میں محدود پیمانے پر ہی شرکا نظر آ رہے ہیں۔
پی ٹی آئی کے جلسے کے حوالے سے سماجی رابطے کی ویب سائٹ پرحسن ایوب خان نامی ایک صارف نے ڈرون کیمرے کی فوٹیج شیئر کرتے ہوئے لکھا ہے کہ، تازہ ترین مناظر نے تحریک انصاف کی مقبولیت کی حقیقت کھول کررکھ دی ہے کیونکہ پنجاب سے تحریک انصاف کے جلسے میں صرف ٹوکن شمولیت کی گئی ہے ۔
تازہ ترین مناظر نے تحریک انصاف کی مقبولیت کی حقیقت کھول کر رکھ دی ہے کیونکہ پنجاب سے تحریک انصاف کے جلسے میں صرف ٹوکن شمولیت کی گئی ہے ۔۔ علی امین گنڈا پور ہی اس جلسے کی فیس سیونگ کی آخری امید بچے ہیں۔ pic.twitter.com/nG8VbUq9Va
— Hassan Ayub Khan (@HassanAyub82) September 8, 2024
وہ لکھتے ہیں کہ اب علی امین گنڈا پور ہی اس جلسے کی فیس سیونگ کی آخری امید بچے ہیں۔
ایک اور صارف ڈاکٹر فرحان ورک نے لائیو فوٹیج شیئر کرتے ہوئے لکھا کہ ’تحریک انصاف کی سوشل میڈیا ٹیم عوام سے بچ کیوں چھپا رہی ہے، پرانی ویڈیوز شیئر کرنے کی بجائے عوام کو جلسہ گاہ دکھاؤ۔
تحریک انصاف کی سوشل میڈیا ٹیم عوام سے سچ کیوں چھپا رہی ہے؟ 🚨🚨
پرانی ویڈیوز شئیر کرنے کی بجائے عوام کو جلسہ گاہ دکھاو۔
ہم دکھاتے ہیں عوام کو لائیو سنگجانی جلسہ گاہ کے مناظر۔
2 بجے جلسہ ہونا تھا، 4 بج گئے اور صرف 700 لوگ ہیں
ان میں بھی آدھے میڈیا والے ہیں۔ pic.twitter.com/OMGaMQm2mZ
— Dr Farhan K Virk (@FarhanKVirk) September 8, 2024
وہ لکھتے ہیں کہ، ہم دکھاتے ہیں عوام کو لائیو سنگجانی جلسہ گاہ کے مناظر۔
ادھرخاتون اینکر غریدہ فاروقی نے بھی ڈرون کیمرے سے لی گئی فوٹیج سوشل میڈیا پر شیئر کرتے ہوئے لکھا ہے کہ ’ پی ٹی آئی سنگجائی جلسہ گاہ کی ڈرون ویڈیو شام 4 بجے کی، حقیقت خود دیکھ لیجیئے کہ کتنے لوگ جلسے کے لیے موجود ہیں۔
پی ٹی ائی PTI سنگجانی جلسہ گاہ کی ڈرون ویڈیو شام 4 بجے کی۔
حقیقت خود دیکھ لیجئیے کہ کتنے لوگ جلسے کیلئے موجود ہیں ۔۔۔
جلسہ تو ختم شُد ۔۔
عمران خان ختم شُد ۔۔۔ pic.twitter.com/vESUWJNJBU
— Gharidah Farooqi (T.I.) (@GFarooqi) September 8, 2024
وہ لکھتی ہیں: جلسہ تو ختم شد، عمران خان ختم شد۔
