وفاقی وزیر پیٹرولیم مصدق ملک نے کہا ہے کہ گزشتہ 10 سال کے دوران سرکاری اداروں میں اربوں ڈالر کا نقصان ہوچکا، کاروبار کرنا ریاست کا کام نہیں بلکہ روزگار کے مواقع پیدا کرنا حکومت کی ذمہ داری ہے۔
یہ بھی پڑھیں:پاکستانی نوجوان سعودی کمپنیوں کے ساتھ مل کر چھوٹے کاروبار شروع کریں گے، مصدق ملک
قومی اسمبلی اجلاس میں اظہار خیال کرتے ہوئے وزیر پیٹرولیم و سینیٹر مصدق ملک نے کہا کہ خسارے کے شکار اداروں میں اصلاحات ضروری ہیں، 10 سال کے دوران سرکاری اداروں 6 ہزار ارب ڈالر کا نقصان کرچکے ہیں۔
مصدق ملک نے کہا کہ کہ ریاست کا مقصد لوگوں کو نوکریاں اور نوجوانوں کو موقع دینا ہے، اگر سارے ادارے ریاست کے ہوں تو تمام نوجوان کیا کریں گے۔
یہ بھی پڑھیں: پاکستان میں صرف معدنی مٹی کی قیمت 6 کھرب ڈالر ہے، مصدق ملک
انہوں نے کہا کہ سرکاری اداروں کا خسارہ عوام کے ٹیکس سے پورا ہوتا ہے، اگر سارے ادارے ریاست کے ہوں تو تمام نوجوان کیا کریں گے، ریاست تمام نوجوانوں کو کاروبار کا موقع فراہم کرے، پرائیوٹ سیکٹر میں نوجوان کو موقع دیا جائے۔
