عالمی شہرت یافتہ پاکستانی اداکارہ ماہرہ خان آئے روز سوشل میڈیا پر اپنی منفرد تصاویر اور ویڈیوز شیئرنگ کی وجہ سے خبروں کی زینت بنتی رہتی ہیں۔ اداکارہ ماہرہ خان نے اپنے بیٹے کی سالگرہ کے موقع پر اپنے ہمراہ بیٹے کی خوبصورت و یادگار تصویر شیئر کردی۔
View this post on Instagram
فوٹو اینڈ ویڈیو شیئرنگ پلیٹ فارم انسٹاگرام پر اداکارہ نے اسپتال کے کمرے سے ایک خوبصورت تصویر شیئر کی، مذکورہ تصویر میں انہیں اپنے اکلوتے بیٹے اذلان کے ہمراہ دیکھا جاسکتا ہے۔ پوسٹ کے کیپشن میں انہوں نے لکھا کہ 24 برس کی عمر میں اپنی پوری دنیا کو دیکھتے ہوئے، جس کی نظریں مجھ پر ٹکی ہیں۔ ’صرف میرا ایک اذلان‘۔
مزید پڑھیں: ماہرہ خان کے بولڈ ڈانس کی ویڈیو سوشل میڈیا پر وائرل، اداکارہ تنقید کی زد میں
ماہرہ خان نے لکھا کہ اللّٰہ میرے اذلان اور تمام بچوں کو سلامت رکھے، انہیں خوش و خرم، صحت مند اور لمبی زندگی عطا فرمائے۔ انہوں نے لکھا کہ میرے بیٹے سمیت تمام بچے صحیح راستے کا انتخاب کریں اور ہمیشہ شر سے محفوظ رہیں۔ آمین
’جیسا کہ میری امی کہتی ہیں، ساری ماؤں کے دل ٹھنڈے رکھ یا رب، آمین، انشاء اللّٰہ‘۔
یہ بھی پڑھیں: وہ پاکستانی اسٹارز جنہیں سوشل میڈیا کی بدولت شہرت ملی
واضح رہے ماہرہ خان اور ان کے سابق شوہر علی عسکری نے 2007 میں شادی کی، 2010 میں ان کے بیٹے اذلان خان کی پیدائش ہوئی۔ ماہرہ خان اور علی عسکری نے 2015 میں راہیں جدا کرلی تھیں۔ تاہم گزشتہ برس ماہرہ خان نے کاروباری شخص سلیم کریم سے دوسری شادی کی ہے جس کے سوشل میڈیا پر خوب چرچے ہوئے تھے۔
