کراچی میں فائرنگ کے مختلف واقعات میں 2 خواتین سمیت 4 افراد کو قتل کردیا گیا۔
ریسکیو حکام کے مطابق فائرنگ کا ایک واقعہ تھانہ اقبال مارکیٹ کے علاقے طوری بنگش کالونی میں پیش آیا جہاں نوجوان نے پسند کی شادی کرنے پر بہن اور بہنوئی کو قتل کردیا۔
یہ بھی پڑھیں کراچی میں ایک اور درندگی، معصوم بچی زیادتی کے بعد قتل، بوری بند لاش برآمد
ایس ایس پی ویسٹ طارق الٰہی مستوئی کے مطابق فائرنگ سے جاں بحق ہونے والوں کی شناخت 20 سالہ مسماۃ (س) اور 23 سالہ محمد نجم کے نام سے ہوئی ہے۔ جبکہ لڑکے کا بھائی بھی فائرنگ کی زد میں آکر زخمی ہوا ہے۔
پولیس نے بتایا کہ فائرنگ کرنے والے ملزم مبشر حسین کو آلہ قتل سمیت گرفتار کرلیا گیا ہے، جبکہ مزید تفتیش جاری ہے۔
دوسری جانب سپر ہائی وے صنعتی ایریا تھانے کے علاقے نور خان گوٹھ اور دلدار گوٹھ میں فائرنگ کرکے خاتون سمیت 2 افراد کو قتل کردیا گیا۔
ریسکیو حکام کے مطابق فائرنگ سے جاں بحق خاتون اور مرد کی لاشیں قانونی کارروائی کے لیے عباسی شہید اسپتال منتقل کردی گئی ہیں۔
یہ بھی پڑھیں کراچی: قتل کی نیت سے حملہ آور بیٹا باپ کے ہاتھوں قتل
پولیس کے مطابق ابتدائی طور پر معاملہ ذاتی رنجش کا معلوم ہوتا ہے، تاہم مختلف زاویوں سے تفتیش کی جارہی ہے۔
