وزیر اعلیٰ پنجاب مریم نواز شریف شریف آج مظفرگڑھ کے نواحی علاقے جھلایارں شمالی میں شریمپ فارمنگ پائلٹ پراجیکٹ کا دورہ کریں گی۔ محکمہ فشریز پنجاب کے زیر اہتمام شریمپ فارمنگ پائلٹ پراجیکٹ 2ماہ کی ریکارڈ مدت میں تکمیل کیا گیا۔
جھلایارں شمالی شریمپ فارمنگ پائلٹ پراجیکٹ سے پہلی پیداوار اکتوبر میں تیار ہوجائے گی، 100 ایکڑ پر شریمپ فارمنگ پائلٹ پراجیکٹ سے جھینگوں کی 100 میٹرک ٹن پیداوار حاصل ہوگی۔
مزید پڑھیں: سولر پینل فنانسنگ اسکیم کو آسان تر بنایا جائے، مریم نواز کے احکامات
شریمپ فارم سے لاکھوں افراد کو روزگار کے مواقع مہیا ہوں گے، سینئر منسٹر مریم اورنگزیب کی زیر نگرانی پنجاب میں شریمپ ایکوا کلچر ایریا 2ہزار ایکڑ تک بڑھانے کے ہدف پر کام شروع کیا گیا ہے۔
پنجاب میں شریمپ فارمنگ ایکوا کلچر کو 4ہزار750 ایکڑ تک بڑھانے کا ہدف مقرر کیا گیا ہے، شریمپ فارمنگ کے فروغ سے 50 ملین ڈالر تک سالانہ ایکسپورٹ اور 10سال میں 150 ملین ڈالر تک ایکسپورٹ بڑھانے کا ہدف حاصل کیا جائے گا۔
یہ بھی پڑھیں: پنجاب حکومت کا مفت ادویات کی فراہمی، ہیلتھ سسٹم میں اصلاحات کا فیصلہ
پنجاب میں شریمپ فارمنگ ایکوا کلچر پراجیکٹ کے تحت 600فارمرز کی بہتر پیداوار کے حصول کے لیے کپیسٹی بلڈنگ بھی کی جائے گی، اس پراجیکٹ میں پنجاب کے پہلے ایکوا کلچر ریسرچ اینڈ ڈیویلپمنٹ سینٹرکا قیام بھی شامل ہے۔
واضح رہے شریمپ فارمنگ کے لیے اور کاشتکاری کے لیے غیر موزوں اور بنجر زمین استعمال میں لائی جائے گی۔
