کراچی میں ڈکیتی مزاحمت پر ایک اور شہری کی جان چلی گئی۔ ڈکیتی کی واردات کے دوران مزاحمت پر والد جاں بحق اور بیٹا زخمی ہوگیا جس کی ویڈیو سوشل میڈیا پر وائرل ہورہی ہے۔
وائرل ویڈیو میں دیکھا جاسکتا ہے کہ عبدالمالک اپنے بیٹے کاشف کے ساتھ گاڑی میں سفر کررہے تھے کہ اسی وقت عقب سے 2 موٹر سائیکلوں پر 3 ملزمان پہنچے اور اسلحہ نکال کر لوٹنے کی کوشش کی، ملزمان کو دیکھتے ہی عبدالمالک نے رقم دور پھینک دی۔
سی سی ٹی وی فوٹیج میں دیکھا جا سکتا ہے کہ مزاحمت پر ڈاکوؤں نے عبدالمالک پر فائرنگ کردی جس سے وہ جاں بحق ہوگیا۔ مقتول کے بیٹے نے موٹر سائیکل سوار ڈاکوؤں پر فائرنگ کی جس سے ایک ڈاکو زمین پر گر گیا تاہم جب دیگر موٹر سائیکل سوار ڈاکو فرار ہونے لگے تو مقتول کے بیٹے نے پیچھا کیا جس پر ملزمان نے اسے بھی گولیاں ماریں جس سے وہ زمین پر گر گیا۔
عوام کی بے حسی
کورنگی بلال چورنگی کے قریب ڈاکوؤں کی فائرنگ سے باپ جاں بحق بیٹا کاشف زخمی ڈاکوؤں نے جیسے ہی رقم لوٹنے کی کوشش کی باپ عبدالمالک نے دس لاکھ روپے کی رقم فضا میں اچھال دی جس پر ڈاکوؤں نے مقتول کو گولیاں مار قتل کر دیا مقتول کے بیٹے کاشف نے پستول سے فائرنگ کرکے ایک… pic.twitter.com/BiYpUIVT3C
— Samar Abbas (@Samarjournalist) September 25, 2024
لیکن اس دوران قریب موجود لوگوں نے زخمیوں کی مدد یا ڈاکوؤں کو پکڑنے کے بجائے پیسے اٹھانے شروع کردیے جس پر صارفین کی جانب سے شدید ردعمل دیا گیا۔ ایک صارف نے ویڈیو پر تبصرہ کرتے ہوئے کہا کہ اس تمام واقع میں بہت سے ڈاکو موجود تھے جس کو جہاں موقع ملا اس نے کام کر دکھایا اور ہاتھ صارف کر لیا۔
اس تمام واقعہ میں ڈاکو تو بہت سارے تھے.
بس، جس کو جہاں موقع ملا… اس نے اپنا کام دکھایا اور ہاتھ صاف کرلیا…
🇵🇰زندہ باد— BROADCASTER (@zulfqaralishah) September 25, 2024
کاشف خان لکھتے ہیں کہ رنگ برنگے کپڑوں میں ملبوس موقع پرست ڈاکو ہتھیار والے ڈاکوؤں سے زیادہ تیز نکلے۔
رنگ برنگے کپڑوں میں ملبوس موقع پرست ڈاکو ہتھیار والے ڈاکوؤں سے زیادہ تیز نکلے۔
— Kashif Khan (@Mdkashif21) September 25, 2024
احمد عمیر نامی ایکس صارف نے لکھا کہ عوام نے اس موقع پر جو کچھ کیا اسے بے حسی نہیں بلکہ ڈکیتی کہتے ہیں۔
بے حسی نہیں اس کو بھی ڈکیتی کہتے ہیں۔۔۔ https://t.co/dJv2ed99xU
— Ahmed Omair (@aomair) September 26, 2024
ایک صارف نے لکھا کہ اس ملک میں سب ڈاکو اور لٹیرے ہیں۔
اس دیس میں سب ڈاکو اور لٹیرے ہیں
مُجھے تو لوٹ لے وگرنہ جو تیرے ہیں وہ سب میرے ہیں https://t.co/3nm6feSp1y— س 🇵🇰 (@Dostoevskyea) September 25, 2024
