وزیراعلیٰ خیبر پختونخوا علی امین گنڈاپور کی گمشدگی کی خبر اس وقت سب سے زیادہ زیر بحث ہے۔
وزیراعلیٰ علی امین گنڈاپور اسلام آباد پہنچنے کے بعد کے پی ہاؤس روانہ ہوگئے تھے، جس کے بعد سے ان کی گرفتاری کے حوالے سے متضاد اطلاعات سامنے آرہی ہیں، تاہم سیکیورٹی ذرائع نے اس کی تردید کردی ہے۔
پی ٹی آئی کے سیکریٹری جنرل عمر ایوب اور علی امین گنڈاپور کے بھائی فیصل امین نے وزیراعلیٰ کی گرفتاری کا دعویٰ کیا ہے، جبکہ مشیر اطلاعات خیبرپختونخوا کا موقف ہے کہ ہمیں کچھ معلوم نہیں وزیراعلیٰ کہاں پر ہیں کیونکہ ان کے ساتھ رابطہ نہیں ہو رہا۔
قومی اسمبلی میں اپوزیشن لیڈر عمر ایوب نے دعویٰ کیا کہ وزیر اعلیٰ خیبر پختونخوا علی امین گنڈاپور کو غیر قانونی طور پر گرفتار کرلیا گیا۔
دوسری طرف سرکاری نشریاتی ادارے پی ٹی وی نیوز نے اپنی رپورٹ میں بتایا ہے کہ علی امین گنڈاپور کے خلاف قانونی کارروائی کا آغاز کردیا گیا۔ سرکاری نشریاتی ادارے نے ذرائع کے حوالے سے دعویٰ کیا کہ علی امین گنڈا پور کے ریاست کے خلاف حملہ آور ہونے پر قانونی کارروائی کی جا رہی ہے۔
علی امین گنڈا پور اس وقت کہاں ہیں، اس حوالے سے بعض صحافیوں نے اطلاعات شیئر کی ہیں۔
صحافی محمد ظریف کا کہنا ہے کہ علی امین گنڈا پور اپنے ’اصلی دوستوں‘ کے پاس ہیں۔
محمد ظریف نے اپنی ٹویٹ میں لکھا:
’ہر کوئی اس فکر میں ہے کہ علی امین گنڈاپور پور کل سے کہاں غائب ہیں جبکہ وزیر اعلی خیبرپختونخوا گزشتہ روز سے اپنے اصلی دوستوں کے پاس فاٹا ہاؤس میں ہیں انجوائے کررہے ہیں۔ ڈبل گیم آن ہے ۔۔۔‘
ہر کوئی اس فکر میں ہے کہ علی امین گنڈاپور پور کل سے کہاں غائب ہیں جبکہ وزیر اعلی خیبرپختونخوا گزشتہ روز سے اپنے اصلی دوستوں کے پاس فاٹا ہاؤس میں ہیں انجوائے کررہے ہیں ،،، ڈبل گیم آن ہے ۔۔۔
— Muhammad Zareef (@muhammadzareef_) October 6, 2024
اینکر منیب فاروق کا بھی کہنا ہے کہ علی امین گنڈا پور ’سجنوں‘ کے پاس ہیں۔
انہوں نے ٹویٹ میں لکھا کہ علی امین گنڈاپور صاحب گرفتار ہیں یا گرفت میں ہیں، کیا فرق پڑتا ہے؟ کسی سے رابطہ نہیں، کہیں جا نہیں سکتے۔ کوئی پتہ نہیں کہاں ہیں۔ بس! یہ پتہ ہے کہ اس دفعہ زیادہ مشکل میں ہیں۔ محسن نقوی صاحب فرماتے ہیں کہ آپ بتائیں کہاں ہیں؟
علی امین گنڈا پور صاحب گرفتار ہیں یا گرفت میں ہیں۔ کیا فرق پڑتا ہے؟ کسی سے رابطہ نہیں۔ کہیں جا نہیں سکتے۔ کوئی پتہ نہیں کہاں ہیں۔ بس یہ پتا ہے کہ اس دفعہ زیادہمشکل میں ہیں۔محسن نقوی صاحب فرماتے ہیں آپ بتائیں کہاں ہیں۔ جناب وہ سجنوں کے پاس ہیں۔ واپس آکر کہیں گے کہ نفلی عبادت میں…
— Muneeb Farooq (@muneebfaruqpak) October 5, 2024
جناب! وہ سجنوں کے پاس ہیں، واپس آکر کہیں گے کہ نفلی عبادت میں مصروف تھا۔
قبل ازیں منیب فاروق نے اپنی ٹویٹس میں بتایا کہ علی امین گنڈاپور کو گرفتار کرلیا گیا ہے اور کے پی ہاؤس کو سیل کردیا گیا ہے۔ معاملہ شراب کیس کا نہیں، ریاست مخالف احتجاج اور حملے کا ہے۔
صحافی صدیق جان نے دعویٰ کیا کہ علی امین گنڈاپور پشاور کی طرف روانہ ہوچکے ہیں۔
علی امین گنڈا پور پشاور روانہ
— Siddique Jan (@SdqJaan) October 5, 2024
اینکر غریدہ فاروقی کا دعویٰ ہے کہ علی امین گنڈا پور نہ ہی کے پی ہاؤس میں ہیں اور نہ ہی اسلام آباد میں۔
انہوں نے لکھا
اب تک کی مصدقہ اطلاعات کے مطابق گنڈاپور نہ تو KP ہاؤس میں ہیں اور نہ ہی شاید اسلام آباد میں ہیں۔ اور کسی بھی سطح پر گنڈاپور یا کسی اور سے فی الحال نہ رابطہ ہے نہ ہی کوئی بات ہو رہی ہے۔
اھم ترین خبر ۔۔ !! اور تصحیح ۔۔! ‼️‼️‼️
اب تک کی مصدقہ اطلاعات کے مطابق گنڈاپور نہ تو KP ہاؤس میں ہیں اور نہ ہی شاید اسلام آباد میں ہیں۔ اور کسی بھی سطح پر گنڈاپور یا کسی اور سے فی الحال نہ رابطہ ہے نہ ہی کوئی بات ہو رہی ہے۔
— Gharidah Farooqi (T.I.) (@GFarooqi) October 5, 2024
