سی ڈی اے نے ایکشن لیتے ہوئے خیبرپختونخوا ہاؤس کے متعدد بلاک سیل کردیے۔ سی ڈی اے ذرائع کے مطابق کے پی ہاؤس کو بلڈنگ رولز کی خلاف ورزی پر سیل کیا گیا۔
اسپیشل مجسٹریٹ سردار محمد آصف نے کے پی ہاؤس کو سیل کیا جبکہ اسسٹنٹ کمشنر عبداللہ بھی سی ڈی اے ٹیم کے ہمراہ تھے۔
یہ بھی پڑھیے علی امین گنڈاپور ہماری حراست میں نہیں، وہ خود بھاگے ہیں، محسن نقوی
واضح رہے کہ گزشتہ دنوں پاکستان تحریک انصاف کے احتجاجی مارچ کی قیادت کرتے ہوئے وزیراعلیٰ خیبرپختونخوا علی امین گنڈاپور اسلام آباد پہنچے تھے جس کے بعد وہ کے پی ہاؤس میں منتقل ہوگئے تھے۔ بعد ازاں ان کی گمشدگی اور گرفتاری کی متضاد اطلاعات بھی سامنے آئیں۔
خیبر پختونخوا ہاؤس کے متعدد بلاک سیل کر دیئے گئے، سپیشل مجسٹریٹ سردار محمد آصف سیل کر رہے ہیں، اسسٹنٹ کمشنر عبداللہ اور پولیس بھی موجود pic.twitter.com/qwU43DliRs
— WE News (@WENewsPk) October 7, 2024
گزشتہ روز وزیراعلیٰ علی امین گنڈاپور اچانک خیبرپختونخوا اسمبلی کے اجلاس میں جا پہنچے جہاں انہوں نے ایوان کو بتایا کہ وہ گزشتہ شب کہاں تھے۔
یہ بھی پڑھیے پولیس نے جب چھاپہ مارا تو علی امین گنڈاپور کے پی ہاؤس سے نکل گئے تھے، محسن نقوی
علی امین گنڈاپور نے کہا ہے کہ میں کل رات خیبرپختونخوا ہاؤس میں ہی تھا، آئی جی اسلام آباد نے خیبرپختونخوا ہاؤس میں توڑ پھوڑ کی، اور مجھے گالی دی کہ کہاں ہے وزیراعلیٰ! خیبرپختونخوا ہاؤس میں ابھی تک بندے بٹھائے ہوئے ہیں، ہم دھمکیوں سے نہیں ڈرتے، وزیراعلیٰ نے کہاکہ آئی جی نے 4 ریڈ ماریں لیکن میں خیبرپختونخوا ہاؤس میں ہونے کے باوجود ان کو نہیں مل سکا۔
انہوں نے کہاکہ کے پی ہاؤس میں تعینات ڈی ایس پی کو بٹ مارے گئے، یہ آئی جی اسلام آباد سیاسی غنڈہ بنا ہوا ہے۔
یہ بھی پڑھیے علی امین گنڈاپور کی خیبرپختونخوا ہاؤس سے فرار ہونے کی حقیقت آشکار
واضح رہے کہ وزیراعلیٰ خیبرپختونخوا علی امین گنڈاپور گزشتہ روز خیبرپختونخوا ہاؤس سے لاپتا ہوگئے تھے، جس کے بعد حکومت نے کہا تھا کہ وہ ہمارے کسی ادارے کے پاس نہیں، تاہم آج انہوں نے خود منظر عام پر آکر بتا دیا کہ وہ خیبرپختونخوا ہاؤس میں ہی روپوش تھے۔
