سپریم کورٹ آف پاکستان نے ایس سی او سربراہی اجلاس کے باعث 3 روز کی تعطیلات کا اعلان کردیا۔
عدالت عظمیٰ میں 3 روز کی تعطیلات کا نوٹیفکیشن جاری کردیا گیا ہے۔
یہ بھی پڑھیں ایس سی او اجلاس: اسلام آباد میں تعطیلات، او اے لیول امتحانات کے انعقاد کی اجازت دیدی گئی
کابینہ ڈویژن کی جانب سے جاری نوٹیفکیشن کے مطابق سپریم کورٹ رولز کے تحت تعطیلات کی منظوری دی گئی ہے، جس کا اطلاق صرف سپریم کورٹ پرنسپل سیٹ اسلام آباد پر ہوگا۔
نوٹیفکیشن کے مطابق پرنسپل سیٹ اسلام آباد کے علاوہ تمام صوبائی رجسٹریاں معمول کے مطابق کھلی رہیں گی۔
نوٹیفکیشن میں کہا گیا ہے کہ شنگھائی تعاون تنظیم کے سربراہی اجلاس کے باعث سپریم کورٹ میں 14 تا 16 اکتوبر تعطیلات ہوں گی۔
یہ بھی پڑھیں ایس سی او اجلاس، حکومت نے 3 روز کی عام تعطیلات کا اعلان کردیا
واضح رہے کہ اس سے قبل حکومت نے راولپنڈی اور اسلام آباد میں 3 روز کی عام تعطیلات کا اعلان کیا تھا۔
