حکومت پنجاب جا صوبے میں مختلف منصوبوں پر کام کرنے والے چینی باشندوں کی یقینی تحفظ کے لیے بلٹ پروف گاڑیوں کی خریداری کا فیصلہ۔
یہ بھی پڑھیں:کراچی ایئرپورٹ دھماکا دہشتگردوں نے ملک دشمن غیر ملکی خفیہ ایجنسی کی مدد سے کیا، ابتدائی رپورٹ
محکمہ داخلہ پنجاب نے صوبے میں چینی باشندوں کی سکیورٹی مزید سخت کرنے کی ہدایات جاری کر دی ہیں۔ اس حوالے سے 3 ٹیوٹا ہائی ایس بلٹ پروف گاڑیاں خریدنے کا فیصلہ کیا گیا ہے۔
محکمہ داخلہ نے گاڑیوں کی خریداری کے لیے فنڈز فراہم کرنے کی سمری محکمہ خزانہ کو ارسال کر دی ہے۔ محکمہ داخلہ کے ذرائع کا کہنا ہے کہ 3 بلٹ پروف کوسٹر چینی باشندوں کو محفوظ نقل و حرکت کی سہولت دینے کے لیے خریدی جا رہی ہیں۔
یہ بھی پڑھیں:داسو ڈیم میگا منصوبے پر کام کرنے والا چینی باشندہ گرفتار، ایف آئی آر درج
انہوں نے کہا کہ فنڈز ملتے ہی گاڑیوں کی خریداری کا عمل شروع کر دیاجائے گا۔
واضح رہے کہ پاکستان میں موجود چیبی باشندوں کو دہشتگردوں کے حملوں کاسامنا ہے۔ اب تک چینی باشندوں پر متعدد حملے کیے جا چکے ہیں۔ چند روز قبل بھی کراچی ایئرپورٹ بھی چینی باشندوں کی گاڑی کو نشانہ بنایا گیا تھا۔
